Колумбын нэрт дуучин Шакира төрснийхөө дараагаар галбираа алдаж, улмаар дахиад дур өдөөм харагдаж чадах эсэхдээ санаа зовж байснаа Эллен Деженерисийн шоуны үеэр ний нуугүй ярьжээ.
Өнгөрсөн нэгдүгээр сарын 22-нд Шакира амаржиж, Милан хүүгээ өлгийдөн авсан билээ."Би хүүхдийг хорвоод мэндлэхдээ л хөөрхөн байдаг байх гэж төсөөлж байлаа. Гэтэл бурхан минь гэж дуу алдахаар час улаан, баахан үрчлээстэй жижигхэн зүйл харагдсан. Энэ чинь одоо юу вэ? гэж өөрөөсөө хүртэл асуух шиг болсон шүү" хэмээн Шакира инээмсэглэн хэлсэн байна.
"Төрсний дараагаар өөрийгөө толинд хараад "Бурхан минь, би ер нь дахиад хэзээ нэгэн цагт урьдынх шигээ дур өдөөм харагдаж чадна гэж үү?" хэмээн өөрөөсөө асуун, шаналж байлаа. Миний залуу одоо намайг урьдынх шигээ хүснэ гэж үү? гэж хүртэл өөрөөсөө асууж, шаналах үе байсан" гэж Шакира өгүүлжээ. Ийнхүү түүний шаналалд цэг тавигдаж урьдынх шигээ дур булаам харагдах болсондоо сэтгэл хангалуун байгаа гэнэ.
www.URLAG.mn
