"Prosound" студийн дууны найруулагч Рагу санаачлан, Монголын рок, попын төлөөлөл болсон шилдэг уран бүтээлчидтэй хамтран “The Mongolian Live Sessions” төслийг хэрэгжүүлж байгаа билээ. Бид уг төслийн уран бүтээлчдийг цувралаар танилцуулж байгаа юм.
Уг төсөл нь нэг дуучин, нэг хөгжимчин хамтран уран бүтээл туурвих явц, амьд хөгжмийн ажлыг харуулах зорилготой юм. Төслийн хүрээнд рок, попын шилдэг 16 уран бүтээлчийн найман видео бичлэгийг ямар ч засвар өөрчлөлтгүйгээр үзэгчдэд толилуулж эхэлсэн байгаа. Үзэгчдэд хүргэсэн эхний бүтээл нь “Sweetymotion” хамтлаг, төгөлдөр хуурч, хөгжмийн зохиолч Б.Чинбат нарын хамтран сэргээн дуулсан “Алтан намар” дуу байсан юм. Өнөөдөр төслийн хоёр дахь клип үзэгчдийн хүртээл болно.
Саяхан “Номин талст” хамтлагийн дуучин Т.Дэлгэрмөрөн, “Бөртэ” хамтлагийн ятгачин Ч.Мөнх-эрдэнэ нарын клип хэрхэн бүтэж байгаа явцын ажлыг дэлгэсэн бол “Харанга”-ын Х.Лхагвасүрэн, гитарчин Өөжгий хоёрын клип бэлэн болсон гэнэ.
Тус бүтээл өнөөдөр үзэгчдийн хүртээл болох бөгөөд үзэхийг хүсвэл доорх линкээр 16.00 цагт орж үзээрэй. www.youtube.com/MongolianLive, www.twitter.com/MongolianLive, www.facebook.com/MongolianLive, www.instagram/MongolianLive гэсэн сошиал медиа хаягаар дамжуулан хүлээн авч үзэх боломжтой болсон.
www.URLAG.mn
