Дэлхийн шоубизнесийн ертөнцөд аль хэдийнэ өөрийн гэсэн давтагдашгүй орон зайг бий болгож чадсан Диснейн залуухан од Селена Гомезийн тухай “сонирхолтой” баримтуудаас дэлгэж байна.Түүний тоглосон “Spring Breakers” (2013.03.15 АНУ) кино тун саяхан нээлтээ хийгээд байгаа бөгөөд ололт амжилтаар арвин яваа “сенсаци”-тай одын тухай хэсэгхэн “сонжицгооё”.
Селена Гомезийн бүтэн нэрийг Селена Мэри Гомез гэдэг бөгөөд тэрээр ээжийнхээ 16 насанд мэндэлсэн айлын “ганц” охин ажээ.
Tүүний нэрний Селенаг Латины алдарт “поп” дуучин Селена Куантанилагийн овгоор нэрлэсэн нэр юм байна. Селена нь Грекээр “Сар” гэсэн утгатай гэнэ.
Ээж Мэнди нь жүжигчин байсан ба Далласын театрт ажилладаг байсан нь түүнийг урлагийн хүн болоход багагүй түлхэц болж өгчээ.
Селена Гомез дуу хөгжим, кино урлагийн ажлынхаа хажуугаар НҮБ-ийн Хүүхдийн сангийн “Сайн үйлсийн элч төлөөлөгч”-өөр сонгогдон ажилладаг юм байна. Энэ ч утгаараа хүүхдэд ээлтэй буяны олон арга хэмжээг зохион байгуулсны нэг бол Селенагийн фэн Хана Уан юм. Түүнийг эмнэлэгт эмчлүүлж байхад нь Селена эргэж очжээ.
Тэрээр “Alice in Wonderland” / “The Wizard of OZ” хүүхэлдэйн кинонууд болон аймшгийн төрөл жанрын дэлгэцийн бүтээл үзэх дуртай бөгөөд туслах дүрд нь тоглосон “Aftershock” (2013) аймшгийн кино тун удахгүй нээлтээ хийх гэнэ.
Түүний дуртай амттан нь Сникерс бөгөөд дуршлын сонирхолтой нэгэн баримт нь тэрээр нимбэгэн дээр “давс” цацаж идэх дуртай гэнэ.
“Хип хоп” болон “панк рок” дуу хөгжим сонсох дуртай Селенагийн дуртай хамтлаг нь “Paramore”. Түүний шинэ цомог ирэх зун худалдаанд гарах ба тэрээр “Selena Gomez & The Scene” хамтлаг тарснаас хойшхи бие даасан анхны цомгоо ийн гаргах гэж байгаа юм байна.
Амьтанд маш их хайртай Гомез энд тэндээс олж “аварсан” зургаан ч нохойтой гэнэ.
Түүний тоглосон 2011 оны уран бүтээл “Monte Carlo” киног санаж байгаа бол киноны төгсөлтийн хэсэг өрнөдөг зураг авалттай тэр өдөр Селена Гомез бодит амьдрал дээр ахлах сургуулиа төгсөж байсан дурсгалтай мөч тохиожээ.
Олны анхаарлын төвд хэзээний байсаар ирсэн “Диснейн од” маань аавдаа тусалж “Hooters”-ийн сүлжээ ресторанд зөөгчөөр ажилладаг байсан байна. Түүний төрсөн эцэг нь 5 настайд нь ээжээс нь салж 2006 онд ээж нь Брайн Тийфэйтэй гэр бүл болж байжээ.
“Бонус” баримт:
Хүндэлдэг жүжигчин: Жонни Депп
Дуртай өнгө “ногоон”
Дуртай спорт: Хөлбөмбөг & Сагсан бөмбөг
Түүний “улаан фэн” нэг бүсгүй 2011 онд Селенагийн царайг гуян дээрээ шивүүлж байжээ.
Харин Жастин Бибертэй хамт байх үеийн сонирхолтой баримт гэвэл тайзан дээр хамт гарсан тоглолтын нэг өдөр Жастин Бибер түүнээс өсгийтэй гутлаа тайлахыг хүсч байжээ. Учир нь Селена Жастинаас хэтэрхий өндөр харагдаад байсан гэнэ
www.URLAG.mn
