Энэ удаагийн “Mobile news”-ээр 20 гаруй жилийн тэртээ “Барилгын цэргийн соёлын төв”-д байгуулагдаж байсан хэмээгддэг "Харш" хамтлагийн дуучин С.Баасандоржтой холбогдож “Харш хамтлагийн Бааскаа PSY-ийг монголд авчирна” гэсэн мэдээллийн тодруулгыг авсан юм.
Тэрээр сүүлийн үед монголын хэвлэлүүдээр “Харш” хамтлагийн Бааскаа “Ганнам стайл” дуугаар гиннессийн дээд амжилт тогтоосон Солонгосын дуучин PSY-ийг монголд авчирхаар болсон бөгөөд энэ зун монголд ирж тэд хамтарсан тоглолтоо хийхээр тохиролцжэ хэмээх мэдээлэл цацагдах болсон. Ингээд та бүхэндээ түүнтэй ярилцсанаа хүргэж байна.
С.Баасандорж: “Дээрхи мэдээллийг хэн нь ямар зорилгоор цацсаныг нь хэлж мэдэхгүй байнаа. Учир нь би тэр алдарт дуучинг эх орондоо авчрахаар боллоо хэмээн нэг ч хэвлэл мэдээллийн хүнд яриагүй байтал намайг тэгж ярьсан болгоод бичсэн байгаа юм.
Би сүүлийн хэдэн жил Солонгост болон эх орондоо ажиллаж амьдарч уран бүтээлээ туурвиж байна. Гэтэл Солонгост байхдаа хамтран ажиллаж байсан нэгэн компаны удирдлагууд надад хандан та эх орондоо нэр нүүртэй хийж бүтээсэн зүйлтэй хүн. Тиймээс хамтраад PSY-ийг монголд тоглуулах талаар хөөцөлдөөд үзье та холбогдох бичиг баримтыг нь бүрдүүлээд ир гэсэн юм. Тэгээд би шаардлагтай зүйлсээ бэлдээд энэ сарын 25-нд Солонгосруу явж тэнд байгаа хүмүүстэйгээ хамт PSY-тай уулзалт хийхээр болоод байна. Тэгээд бидний уулзалт амжилттай болвол монголд ирэх үгүй нь шийдэгдэнэ дээ. Би ирэх сарын эхээр ирнэ тэр үед л хариун гарах байх” хэмээлээ.
Ийнхүү PSY монголд ирэх үгүй нь ирэх сарын эхээр тодорохой болох нээ.
“Mobile news”-ийг бэлтгэсэн: Э.Цэнд-Аюуш
www.URLAG.mn
