Алдарт “Битлз” хамтлагийн Жон Леннон, Жорж Харрисон нарын тоглодог байсан гитар өчигдөр дуудлага худалдаагаар 408 мянган ам.доллараар зарагдсан талаар “Ройтерс” агентлаг мэдээлжээ.
“Julien’s Auction” дуудлага худалдааны ордны зохион байгуулсан энэхүү худалдаа Нью-Йоркийн Манхэттен дүүргийн “Hard Rock Cafe”-д болсон байна. Анхандаа зохион байгуулагчид гитараа 200-300 мянган ам.доллараар зарахаар төлөвлөөд байсан ч үнэ нь ийнхүү өсчээ. Харин худалдан авагчийн нэрийг зарлаагүй байна.
Уг гитарыг 1966 онд Ленноны захиалгаар “Vox” фирм үйлдвэрлэсэн аж. Зохион байгуулагчдын ярьснаар энэхүү гитарыг Леннон, Харрисон нар 1967 онд “Magical Mystery Tour” цомгоо бүтээх үеэрээ барьдаг байсан гэнэ. 1967 онд Леннон үүнийг найз Янни Мардаст бэлэглэжээ.
www.URLAG.mn
