"Бүрэнхий" киногоор од болсон Роберт Паттинсон, Кристен Стюарт нарыг дахиад харилцаагаа тасалсан тухай мэдээлэл түгээд байгаа билээ.
"Цасангоо болон анчин" кинонд тоглох үеэрээ Кристен Стюарт гэр бүлтэй, өөрөөсөө олон ах найруулагч Руперт Сандерстай түр зуур сээтгэнээд авсан тухай мэдээлэл түгснээс хойш Паттинсон нэг хэсэг найз бүсгүйгээсээ харилцаагаа тасалсан. Гэвч Стюарт уучлалт гуйж, усан нүдэлсээр байгаад Паттинсоны сэтгэлийг эргүүлж чадснаар тэд дахин хамтдаа амьдрах болсон юм.
Гэвч Стюарт алдаанаасаа суралцдаг бус харин бүр ахиулдаг бүсгүй бололтой. Түүнийг шүршүүрт орж байх зуур Паттинсон гар утсыг нь санаандгүй үзэхэд найруулагч эрээс хайр сэтгэлийн утга агуулгатай зурвас ирж таарсан гэнэ. Паттинсон уурлаж, Стюартыг шүршүүрт байхад нь өөрийнхөө харсан зурвасын тухай өгүүлж, дахиад хэзээ ч хамт байхгүй хэмээн орхин одсон тухай хэвлэлээр мэдээлж эхэлжээ.
Ямартай ч "Бүрэнхий"-н хоёр одоогоор тусдаа байгаа нь тодорхой гэнэ. Роберт Паттинсон найз бүсгүйгээ дахин уучлах эсэхийг цаг хугацаа л харуулах биз.
Эх сурвалж: new.mn