Бид энэ буландаа хошин урлагийн алаг нүдэн Г.Ундармааг онцолж байна. Үргэлж дэгжин харагдаж хэний ч өмнө цэмбэлзтэл алхдаг дайчин бүсгүйн талаар мэдээлэл хүргэхээр бэлтгэлээ.
Жүжигчин МУСТА Г.Ундармаа зөвхөн “Шинэ үе” продакшны ч биш хошин урлагийн нүүр царай болдог билээ. Тэрбээр уран бүтээлээ хийхээс гадна “Анун” компанид ажилладаг чавдарлаг бүсгүй. Хэдий ажил ихтэй байдаг ч гэрийн эзэгтэй, сайн ээжийн үүргээ биелүүлж нөхөр хүүхэддээ анхаарал халамжаар дутаадаггүй гэнэ.
Түүнийг нөхөр нь яг л ном шиг хэмээсэн байдаг. "Таних, танихгүй хүмүүст долоон булчирхайгаа тооччихдог, хэн ч уншиж болохоор сайн зохиолчийн дэлгэрэнгүй бүтээл" гэж шоолдог гэнэ. Энэ нь түүний мэргэжилтэй холбоотой байж болох юм.
Дашрамд сонирхуулахад жүжигчин бүсгүй маань хүнд хар муу саналгүй ажлаа хийж явахад бүх зүйл бүтдэг хэмээн хэлэх дуртай бөгөөд зөв амьдрахын чухлыг онцолсон байдаг.
Б.Хорлоо
