Бид энэ удаад UBS телевизийн хөтлөгч П.Одгэрэлийн нууц нэгэн авъяасыг “Mobile hot” буландаа онцолж байна. Учир нь тэрбээр өөрийн дарсан мөнх тэнгэрийн зургаа фейсбүүк хуудастаа тавьсан нь олны анхаарлыг ихэд татсан билээ.
Биднийг үдэш бүр дэлгэцийн өмнө уядаг “Universe Best Songs” наадмын хөтлөгч Одког танихгүй нэгэн үгүй гэхэд болно. Бид түүнийг нэвтрүүлгээр нь дөрвөн жилийн тэртээгээс мэдэх билээ. Түүнийг чамгүй сайн дуулчихдаг, жүжиглэчихдэг авъяаслаг хөтлөгч хэмээн үзэгчид дүгнэдэг. Тэрбээр цоглог яриа, өөрийн гэсэн өнгө төрхөөрөө телевизийн салбарт тэр дундаа шоу нэвтрүүлгийн төрөлд орон зайгаа эзэлсэн нэгэн.
Тэгвэл саяхан фейсбүүк хуудастаа өөрийн дарсан мөнх хөх тэнгэрийн зургаа тавьсан нь олны сонирхлын татжээ. Уг зургийг харсан хүмүүс түүнийг чамгүй сайн зурагчин юм хэмээн дүгнэсэн сэтгэгдлүүд цөөнгүй харагдана. Бид энэ зургийг танилцуулж байна. Уншигчид та бүхэн ч өөр өөрсдийнхөөрөө дүгнээд үзээрэй.
Авъяаслаг, чадварлаг бас мэдрэмжтэй түүнд ажлын амжилт хүсье.
Б.Хорлоо
