Жастин Биберээс харилцаагаа таслаад удаагүй дуучин, жүжигчин Селена Гомес өөр нэгэн одын хүүтэй нэр холбогдоод амжлаа. Нэрт жүжигчин Уилл Смитийн хүү Жейдентэй Селена уулзах болжээ. Тэднийг Лондоны нэгэн ресторанаас хамтдаа гарч явахыг папараццчид гэрэл зургийн дурандаа буулгаж, баталгаажуулж авсан байна. Селена урт үсээрээ нүүрээ даран, нуух гэсэн ч амжилт олсонгүй. Жейден ч хувийн амьдралд нь хошуу дүрэхээр цугласан зурагчид руу таагүй ширтэж байжээ.
Тэд хамтдаа ресторанд цаг гаруй ярилцан суусан юм байна.Сонирхолтой нь Жейден Селенагаас 6 дүү буюу 14 настай. Гэхдээ тэр бага насандаа багтахааргүй олон кинонд тоглоод амжчихсан. Хэвлэлээр ийнхүү "Дурлалын гурвалжин" үүслээ хэмээн бичих болжээ. Бибер-Селена-Жейден хэмээх энэхүү дурлалын гурвалжинд хэн нь азтай, одтой байхыг харах л үлдсэн бололтой.
Эх сурвалж: new.mn
