Меtal core чиглэлээр уран бүтээлээ туурьвидаг White Shadow хамтлаг өнгөрсөн тав дахь өдөр буюу 28нд “White Shadow” нэртэй цомгийнхоо баярыг хийсэн билээ. “Aer club”-т болсон цомгийн баярт “Headline”,“Silent Scream”,”Хос сүх” зэрэг хамтлагууд хүрэлцэн ирж уран бүтээлээсээ хүргэсэн бөгөөд хүрэлцэн ирсэн залуус хөгжмийн нүргээн, дууны хэмнэлд нэгэн үдшийг өнгөрүүлсэн юм.
“White Shadow” хамтлаг нь 2006 онд таван хүний бүрэлдэхүүнтэйгээр байгуулагдсан бөгөөд “Play time 2007”-д оролцсноосоо хойш одоог хүртэл тасралтгүй ая дуугаа хүргэсээр ирсэн юм. Тэдний олон жилийн дараа удаан хүлээлгэн мэндэлсэн “White Shadow” цомог нь хамтлаг байгуулагдсан цагаасаа хойш гаргасан анхны цомог бөгөөд хамтлагийн залуус энэхүү цомгоороо хувь хүний ганцаардлыг гаргаж өгөхийг зорисон байна.
Цомогт:
1. Интро
2. Тойрог
3. Дуу хоолой
4. Космос
5. Гүн гэрэл
6. Мах
7. Залхуу дуу
8. Мөрөөдөл
9. Цагийн сүүдэр зэрэг есөн дуу орсон аж.
www.URLAG.mn
