“Take off” хамтлагийнхан эргэн нэгдэж, шинэ уран бүтээлдээ оржээ. Тэд удагүй хамтлагийнхаа 10 жилийн ойг нүсэр гэгч нь тэмдэглэх аж. Хамтлагийн 10 жилийн ойд зориулж “Уучлаарай хайрт минь” дуундаа клип хийлгэсэн төдийгүй дууныхаа талаар сонсогчдын сэтгэгдлийг илэрхийлсэн бичлэг хийсэн байна.
“Гүнж”, “Надаас өөр хэнд ч ирээгүй дурлал”, “Мартахгүй”, “Цасан дээр”, “Цасан доор” зэрэг дуугаараа залуучуудыг байлдан дагуулсан “Take off” хамтлаг нэг хэсэг уран бүтээлээ завсарлаад байсан ч ийнхүү эргэн нэгдэж сонсогч фенүүддээ бэлэг барихаар шийджээ.
Тэд хамгийн сүүлд “UB palace”-ын концертын их танхимд дөрвөн жилийн ойн тоглолтоо хийж байв. Тоглолтын дараа хамтлагийн гишүүд тус тусдаа уран бүтээлүүдээ гаргасан. Тэднээс Баясук л тунаж үлдэж “Хотын хөгжим” нэртэй бие даасан цомгоо гаргаснаасаа хойш нэлээд хэдэн дуу гаргаад амжсан юм.Тун удахгүй сэтгэлд хоногшсон дуугаа цоо шинэ. өнгө төрхтэйгөөр “Take off” хамтлагийнхан сонсогчиддоо хүргэх нь ээ.
www.URLAG.mn
