“Маск” продакшны жүжигчин, “Sound of kiss” хамтлагийн гишүүн Г.Золзаяа буюу Золоогийн тухай сүүлийн үед олон таагүй мэдээ гарах болсон. Г.Золзаяа СТА Бат-Өлзий, АЖ, С.Сарантуяа нарын хүү УДЭТ-ын залуу жүжигчин Б.Тамиртай гэр бүл болж, Цэгц-Үжин гэх охинтой болсон ч удалгүй хоёр тийш болсон. Мөн сүүлийн үед дуучин Амархүүтэй хөтлөлцөн алхаж яваа зураг нь олонд цацагдсанаар, мөн нэр холбогдоод байгаа. Харин тэрээр ийн өөрийнх нь талаарх мэдээлэлд төдийлөн тайлбар тавьж байгаагүй. Харин жүжигчин бүсгүйн тэвчээр барагдсан бололтой өөрийн цахим хуудаснаа нилээд ширүүн бухимдлаа илэрхийлж мэдэгдэл хийжээ.
Тодруулбал,
“Сайн байцгаана уу? Эрхэм хүндэт сайтын сэтгүүдчид ээ.
Та бүхэн хүний нэрийг барьж зүгээр нэг зураг төдийхнөөр хэн нэгний амьдралыг үнэлж, дүгнэж, гүтгэн доромжилж, зохион бичихээ зогсооно уу.
Таньдаг найз нөхөдтэйгөө мэндлэх, инээж хөхрөх, хамт алхах энэ бүхэн залуу хүн битгий хэл настангуудад ч бий… Мэндлээд өнгөрсөн эр хүйстэй болгонтой холбож бичин, янз бүрийн хоч нэр өгч доромжилох байдлууд тань хэрээс хэтэрлээ. Энэ бүхнийг маш удаан тэвчлээ. Одоо болно. Би алдаа оноотой залуу хүн. Бас эх хүн шүү дээ. Тайван амьдармаар байна.
Ямар ч баримтгүй зүйл бичиж хүний нэр төрд халдана гэдэг нь өөрөө сэтгүүлчдийн ёс зүйг зөрчиж буй хэрэг. Цаашлаад Миний нэр төрд халдсан, нэр хоч өгсөн, гүтгэн доромжилж мэдээ мэлээлэл бичиж нийтлэвэл хуулийн дагуу арга хэмжээ авна гэдгээ албан ёсоор мэдэгдэж байна,
Хүндэтгэсэн: Ганболдын Золзаяа” гэж бичжээ.
www.URLAG.mn
