Монголын циркийн жүжигчин бүсгүй Энэтхэгт киноны гол дүрд тоглохоор болжээ. Циркийн жүжигчин бүсгүй н.Батцэцэг гэдэг бөгөөд манипури гаралтай нөхөртэй аж.
Тэрбээр, долоон хулгайчийн тухай өгүүлэх инээдмийн кинонд тоглохоор болсон байна. Энэтхэгийн кино наадмаас хоёр удаа шагнал авч байсан найруулагч Анил Радхакришна Меноны найруулах уг кинонд тус улсын нэр хүндтэй жүжигчин Притвираж, Асиф Али, Срийнат Баси, Недумуду Вену, Найла Уша нар дүр бүтээх ажээ.
“Хөсөгтөн” хамтлагийн хөгжимчид болох Ч.Амарбаясгалан, Г.Адъяадорж нар энэ сарын 13-нд ДБЭТ-ын тайзнаа “Ирмүүн хэмнэл” хэмээх тоглолтоо толилуулсан билээ.
Энэхүү тоглолт нь “Хөсөгтөн” хамтлагийн таван жилийн ойд зориулан зохион байгуулагдсан бөгөөд хөгжмийн зохиолчдын болон хөгжимчдийн ур чадварыг сорьсон, мэргэжлийн өндөр түвшинд бүтээгдсэн бүтээлүүд голчлон тоглосноороо онцлог юм. Мөн уран бүтээлчид маань зөвхөн язгуур урлагаас гадна сонгодог төрөлд хүч сорин хэр чансаатайгаа харуулсан сайхан тоглолт болж өнгөрсөн.
Шударга өрсөлдөөн, хэрэглэгчийн төлөө газраас долоо хоног бүр кино театруудаар гарч байгаа киноны орлогыг олон нийтэд зарладаг уламжлал тогтсон билээ.
Тавдугаар сарын эхний хоёр долоо хоногийн байдлаар “Өргөө” болон “Тэнгис” кино театрт “Үргээлэг” кино үргэлжлүүлэн тэргүүлсээр байсан бол тавдугаар сарын 14-ны өдөр нээлтээ хийсэн “Луйвар” уран сайхны кино жагсаалтад хүч түрэн орж иржээ. Харин “Тэртээх ертөнцийн хөгжимчин” кино ганцхан долоо хоног гараад түр зогссон байна.
Монголын кино урлагт өөрийн гэсэн өнгө төрхийг үлдээж яваа жүжигчин Б.Амарсайхан “Prime Pictures”, “A Group”, “Black Zebra” студийн хамтын бүтээл “Үргээлэг” уран сайхны киноны дууг хүргэж байна. Уг киноны гол дүрд Б.Амарсайхан, Г.Эрдэнэбилэг, Ж.Баясгалан, С.Болд-Эрдэнэ, Б.Навчаа нарын чадварлаг жүжигчид тоглосон юм.
Драмын урлагийн шилдгийг шалгаруулдаг “Гэгээн муза” олон улсын театрын их наадам энэ сарын 19-нд шилдгүүдээ тодруулна. Энэ удаагийн наадам “Драмын жүжгийн төрөл”, “Хүүхдийн жүжгийн төрөл”, “Дуулалт жүжгийн төрөл”, “Нэг хүний жүжгийн төрөл”-үүдэд 20 уран бүтээл өрсөлдөж байна.
Монгол Улсад “Орчин цагийн харилцаа холбооны салбар үүсч хөгжсөний 93 жил”-ийн ой, Скайтел компанийн 15 жилийн ойн хүрээнд зохион байгуулагдаж буй Мэдээллийн технологи, харилцаа холбооны салбарын спортын наадам 2014.05.08-13-ны өдрүүдэд амжилттай болж өндөрлөлөө. Энэхүү наадамд тус салбарын 25 багийн 600 гаруй тамирчид Хөл бөмбөг, Сагсан бөмбөг, Волейбол, Дартс, Ширээний теннис Шатар, Kибер спорт гэсэн төрлүүдээр өрсөлдөж шилдгүүдээ тодрууллаа.
Нигерт өсвөр насны 200 гаруй охидыг хулгайлсан хэрэг өнгөрсөн сард гарсан. Охидыг хулгайлсан “Боко Харам” бүлэглэлийн эсрэг дэлхийн одод суллахыг шаардан эсэргүүцлээ илэрхийлээд байгаа билээ. Сүүлд гэхэд Оросын супер модель Ирина Шейк охидыг суллахын шаардан нүцгэн эсэргүүцлээ илэрхийлсэн байна.
Хэсэг хугацаанд чимээгүй байсан “Mc collection” хамтлагийнхан уран бүтээлдээ ханцуй шамлан оржээ.
Хэр баргийн хүний хийж, хүрч чадахгүй тэр л оргилын өөд итгэл дүүрэн мацаж, ганзага хоосонгүй ирсэн миссүүдийн нэг бол яах аргагүй Н.Сарнай гэж загвар сонирхогчид нэрлэдэг.
20 жилийн өмнө “Бүсгүйн зураг” дуугаа дуулсаар тайзнаа анх гарч байсан дуучин Л.Байзда ирэх сарын 20,21-ны өдөр Тусгаар тогтнолын ордонд “амьд” хөгжимтэйгээр тоглолт хийхээр бэлтгэл ажлаа хийж байгаа гэнэ. Тайзнаа гарсны 20 жилийн ойдоо зориулсан энэхүү тоглолтод дуучин Л.Байздагийн хит болсон бүтээлүүдээс болон сүүлийн үеийн уран бүтээлүүд үзэгчидэд хүрэх юм.
