Зохиогч: Урлаг

Нэгэн үе монголын ард түмний дунд нийтийн дууны “Ханхүү” хэмээн нэрлэгддэг байсан С.Жавхлангын амжилтыг эвдэж энэ цаг үеийн нийтийн дууны “Ханхүү” хэмээн нэрлэгдэх болсон МУСТА Доржгочоогийн Намсрайноров энэ сарын 10,11нд 19-н цагаас хоёрхон удаа Монгол бөхийн өргөөнд “Сэвлэг шиг, бүүвэй шиг” хэмээх уран бүтээлийн тайлан тоглолтоо хийхээр болжээ.

Тэрээр дуунд дуртай, дуучин арт түмэндээ “Хонгор чамдаа”, “Санах тусмаа дуулаарай”, “Амрагийн болзоо” гээд олон сайхан хайрын болон ухаарлын дуунуудаараа хэдийнээ танил болсон түүний энэ удаагийн тоглолт сайхан болох нь дамжиггүй юм.

Ахмад буурлуудаа хүндэтгэн дээдэлдэг манай улсад Өнөөдөр ахмадын баярын өдөр тохиож байна. Манай улс 1992 оноос хойш жил бүр уламжлал болгон энэ баярыг тэмдэглэж ирсэн билээ. Энэ жилийн хувьд “Урт нас ирээдүйг тодорхойлно” уриан дор нийслэлийн зургаан дүүргийн ахмадуудын уулзалт 09.00 цагт Спортын төв ордонд эхэлсэн бол ахмадуудад зориулсан баярын арга хэмжээ, концерт Соёлын төв өргөөнд 13.00 цагаас болох гэж байна. Баярын арга хэмжээнд Нийслэлийн Засаг дарга Э.Бат-Үүл оролцоно. Нийт ахмадуудаа баярын мэнд хүргэе.

Нэгэн үе монголын ард түмний дунд нийтийн дууны “Ханхүү” хэмээн нэрлэгддэг байсан С.Жавхлангийн амжилтыг эвдэж энэ цаг үеийн нийтийн дууны “Ханхүү” хэмээн нэрлэгдэх болсон МУСТА Доржгочоогийн Намсрайноров энэ сарын 10,11нд 19-н цагаас хоёрхон удаа Монгол бөхийн өргөөнд “Сэвлэг шиг, бүүвэй шиг” хэмээх уран бүтээлийн тайлан тоглолтоо хийхээр болжээ.

Тэрээр дуунд дуртай, дуучин арт түмэндээ “Хонгор чамдаа”, “Санах тусмаа дуулаарай”, “Амрагийн болзоо” гээд олон сайхан дуунуудаараа уярал, ухаарал бэлэглэж яваа түүний уран бүтээлийн тоглолт сайхан болох нь дамжиггүй юм.

“Номин талст” хамтлагийн дуучин Т.Дэлгэрмөрөн өчигдөр болсон хамтлагийнхаа 15 жилийн ойн тоглолт дээр гэргий Жулианнадаа хайраа илэрхийлэн, 999 ширхэг сарнайн баглаа бэлэглэв.

“Би хайртай эхнэртээ хандан алтан тайзан дээрээсээ сэтгэлийн үгээ хүргэмээр байна. Алдаж, оносон цаг мөч бүрт дэргэд минь байж, хөөрхөн охин төрүүлж өгсөн ханьдаа сарнай цэцгээр бэлэг барих гэсэн юм” гээд тэвэр дүүрэн улаан сарнай барьсаар охин, эхнэр хоёр дээрээ очсон юм. Дуучин Т.Дэлгэрмөрөнгийн эхнэрийг Б.Энхбадам гэдэг ч Жулианна нэрээр олонд танил болсон юм. Хосууд Зөөлөнсий хэмээх охинтой.

“River Sound” клубт өчигдөр дуучин Д.Лхамаагийн жазз блюз хандивын тоглолт боллоо. Тэрбээр “JCI” Монголын “UB Central” салбар байгууллагатай хамтран 5 настай Б.Номуундалай охины эмчилгээнд зориулан ийнхүү хандивын тоглолтоо хийсэн юм. Дуучин Лхамаагийн олонд танигдсан болон багагүй хугацаагаар завсарласан шинэхэн уран бүтээлүүд энэ үдэш фэнүүдийнх нь сонорыг мялааж, поп урлагт элэгтэй хүн нэг бүрийн сэтгэлийн хандив 5 настай Номуундалай охинд амьдрал бэлэглэх буянт үйлст зориулагдсан юм.

Монгол Улсын Хөдөлмөрийн баатар, Ардын жүжигчин Г.Хайдав гуайг “Best of Best” булангийнхаа хойморт урилаа. Тэрбээр нас өндөр болсон ч сурсан эрдэмдээ хөтлөгдөөд хаана тоглолтод дуулахыг урина, тийшээ “давхиж” очихоор нэг их зав гарахгүй юм гэв. Түүнтэй ярилцахаар товлосон цагтаа, тогтсон газартаа очиход жигтэйхэн их дэгжин хувцасласныг хараад залуугийнх нь зураг харцанд тодорлоо. Г.Хайдав гуайн зарим яриа нь итгэмээргүй санагдсан ч ярилцахад сонирхолтой санагдаж байв. Түүнийг Дундговь аймгийнх гэдгийг уншигч та мэдэж байгаа биз ээ.

Өмнөд Солонгосын реппэр PSY-гийн “Ганнам стайл” дуу Их Британийн хөгжмийн чартыг өнгөрсөн долоо хоногоос тэргүүлж эхэллээ. Тэгвэл Хойд Америкийн “Billboard” чартын хоёрдугаарт бичигдэж байна. Энэхүү чартыг “Maroon-5” хамтлагийн “One more night” бүтээл тэргүүлж байгаа юм.

Хөгжмийн зохиолч, продюсер, төгөлдөр хуурч Б.Чинбат “Аравт” хэмээх түүхэн киноны хөгжмөөр тоглолт хийхээ зарлаад буй билээ. Тэрээр энэ сарын 17-19-нд “Аса” циркт хийх тоглолтынхоо нэрийг албан ёсоор зарласан бөгөөд “Эзлэн” хэмээн нэрлэжээ. Эзлэх гэсэн үгнээс улбаатай энэхүү санаагаараа их хаан эзэн Чингисийн дэлхийн талыг эзэлж байсан эгэлгүй их гавьяа, үүнээс үүдэн урсан гарсан хөгжмийн яруу эгшиг хурсан олны сэтгэлийг эзэмдэж яруу сайхныг мэдрүүлэхийг бэлгэдэн өгчээ. Эх түүхээрээ бахархах, үр удмаараа омогших гурван үдэш тун удахгүй…

Нийслэлийн “Улаанбаатар” чуулгын урилгаар Азийн үндэсний хөгжмийн хамтлаг ирэх 10-р сарын 2-нд бюу маргааш монголд ирэх гэнэ. Тэрээр Солонгосын урлагийн их сургуулиас төрөн гарсан “Asian Music Ensemble” хамтлага нь ирэх 10-р сарын 3-нд Монголын ард түмэндээ зориулж азийн үндэсний хөгжмийн гайхимшигт тоглолтыг толиулхаар ийнхүү манай улсад хүрэлцэн ирж байгаа ажээ.

Тус хамтлага нь Солонгос, Ветнам, Япон зэрэг азийн томоохон улс орнуудаар өөрсдийн уран бүтээлийн тоглолтоо амжилттай зохион байгуулсаар байгаа бөгөөд Монгол улсад анх удаагаа зохион байгуулагдаж буй тэдний тоглолтын зохион байгуулагчаар Нийслэлийн “Улаанбаатар” чуулга, БНСУ-ын “СҮРИМ” соёлын сан, “Монгол глобал” групп дэмжигч байгууллагаар ГХЯ-ны Ази номхон далайн газар, “Бунза” центр, “Вансэмбэрүү” кафе нар ажиллаж байгаа гэнэ.

Ардын уран зохиолч, Соёлын гавьяат зүтгэлтэн, Д.Нацагдоржийн нэрэмжит шагналт, “Болор цом”-ын эзэн П.Бадарчтай ярилцлаа. Тэрбээр хилийн тухай олон бүтээл төрүүлсэн. Тиймдээ ч тэрбээр “Манай улсын хилийн баганаас цааш хүний нутаг шүү гэж бодохоор нисч яваа шувуудыг хүртэл харамлах сэтгэл төрдөг” гэж хэлж байсан удаатай. Тийм эх орноо гэсэн сэтгэлээс нь “Хилийн тэнгэр цэлмэг байгаасай”, “Застав минь баяртай”, “Эх орны хилээс” зэрэг шүлэг төрсөн.