Реппер Lil Wayne энэ сарын 27-нд 30 нас хүрч, төрсөн өдрөө тэмдэглэсэн юм. Тэрбээр rock’n roll-ийн домогт хаан Elvis Presley-ийн амжилтыг эвдэж, Billboard-ийн “Шилдэг 100 дуу”-ны жагсаалтад шинэ хаанаар тодорлоо. Elvis Presley–гийн 108 дуу 1958-2003 оны хооронд “Шилдэг 100 дуу”-ны жагсаалтад орж байсан бол реппер Lil Wayne-ийн Game, Chris Brown, Tyga болон Wiz Khalifa нартай хамран бүтээсэн “Celebration” дуу нь “Шилдэг 100 дуу”-ны жагсаалтын 82-рт орсноор түүний 109 дуу жагсаалтад багтаж, хаанаар шалгарсан байна.
Зохиогч: Урлаг
Урлагт 20 жил зүтгэлээ. Одоо уран бүтээлийн тоглолт хийх цаг нь болсон гэж байгаа юм биш. Өнгөрсөн 20 жил бол миний туулж ирсэн амьдрал. 1992 онд рок попын босгыг давж орсноос хойших энэ бүх хугацаанд би хүн болж төлөвшсөн байна. Зөв хүн болж төлөвшихөд урлагийн маань ач гавьяа нөлөөлсөн юм болов уу. Би өөрийгөө зөв хүн гэж бодож явдаг. Тийм ч учраас олон жил найзалсан уран бүтээлч найз нөхөд маань одоо ч гэсэн миний дэргэд байгаа юм. Анх рок поп урлагт орохдоо яг 20 жилийн дараа уран бүтээлийн тоглолт тавина гэж товлосон юм ер байхгүй. “Хурд” хамтлагтаа ороод уран бүтээл туурвиж яваад рок попын найзуудтайгаа нөхөрлөсөн. Түүнээс би өөрийн дуугаа “Миний хүч чадлын юм” гэж өмчлөөгүй. Энэ ганцхан миний ажил биш. Олон хүний зүрх сэтгэл хөдөлмөр нийлж байж бүтээл гардаг юм. Өнгөрсөн үедүүдэд багагүй уран бүтээл хийсэн байна. Хийсэн бүтээснээ нэг цогц альбом болгох юмсан гэсэн бодол төрөөд 4, 5 жил боллоо. Үүнийг маань манай on’n оff продакшны захирал Ононбат дэмжсэн. Уран бүтээлийн тоглолт хийгээч гэж тэр надад хэлсэн юм. Нилээдгүй уран бүтээл хамтраад хийсэн байна. Чи үүнийг нэг бодож үзээрэй гэж Ононбат маань хэлсэн. Тэгээд бодсоор байтал таван жил болчихдог юм байна. Дараа жил манай “Хурд” хамтлагийн 20 жилийн ой болно. Тэгэхээр хорин жилийн ойгоо угтаад миний уран бүтээлийн тоглолтыг тавьж байна.
Анхны тоглолтоосоо хойш багагүй хугацааг өнгөрөөлөө. Мэдээж уран бүтээлч хүн учраас хөдөлмөрлөж л явлаа. Энэ жилийн тухайд гэвэл “Сэвлэг шиг бүүвэй шиг…” нэртэй, 15 дуунаас бүрдсэн уран бүтээлийн хоёр дахь цомгоо гаргалаа. Энэ цомогт орсон уран бүтээлээ эхнээс нь клипжүүлээд, үзэгч, сонсогчдодоо, миний шинэ уран бүтээлийг хүлээж байдаг фэнүүддээ зориулан хүргэж эхэлсэн. “Амрагийн болзоо”, “Нандин учрал”, “Танхилхан чи минь” гэсэн дуунуудаас гадна яг одоогоор “Учралын цагаан үдэш” гэсэн хайрын дуундаа клип хийлгэх ажилтай завгүй л явна даа. ”Сэвлэг шиг бүүвэй шиг…” нэртэй цомгийнхоо баяр болгож хоёр дахь уран бүтээлийн бие даасан тоглолтоо хийх гэж байгаа. Тоглолтын маань өдөр товлогдоод Монгол бөхийн өргөөнөө 2012 оны 10-р сарын 10, 11-нд 19:00 цаг гэж төлөвлөгдөөд бэлтгэл ажилдаа орчихсон завгүй л явна.
Дуучин Rihanna ирэх 2013 онд өөрийн “Diamonds” хэмээх аялан тоглолтоо хийх талаар “MTV Video Music Awards”-ын үеэр мэдэгдсэн юм. Түүний аялан тоглолт ирэх оны гуравдугаар сард Buffalo-оос эхлэхээр төлөвлөгдсөн бөгөөд Хойд Америкийн Chicago, Los Angeles, Las Vegas зэрэг томоохон хотуудаар үргэлжилэх юм байна. Харин тоглолтуудын хугацаа одоогийн байдлаар тодорхойгүй байгаа гэнэ. Түүний аялан тоглолтын тасалбар энэ сарын 14-өөс эхлэн худалдаанд гарсан байна. Мөн тэрбээр саяхан шинэ дуугаа гаргажээ. Түүний шинэ дууны нэр “Diamonds” бөгөөд тэрбээр шинэхэн дууныхаа талаар шүтэн бишрэгчидтэйгээ өөрийн “Twitter” хуудаснаа санал бодлоо хуваалцсан байна.
БНСУ-ын хип хоп хамтлаг “Big Bang” хамтлаг “Alive Galaxy tour 2012” анхны аялан тоглолтоо Азиас эхлүүлээд байгаа юм. Тэд өчигдөр Синапурын “Indoor Stadium”-д тоглолтоо хийсэн бөгөөд өнөөдөр үдэш 19.00 цагт дахин эгшиглэх тэдний тоглолтын хоёр өдрийн тасалбар өнгөрсөн пүрэв гарагт худалдаанд гарсан даруйдаа буюу ердөө ганцхан өдөрт зарагджээ.
За залуусаа бас нэг нь шинэ уран бүтээл гарчээ ингээд та бүхэндээ "Опозит" хамтлагийн гишүүн ГАНТУЛГА, " АЛБААР ГАРГАСАН ALBUM -д багтах "БИ ЧАМД ГОМДОХГҮЙ" хэмээх дууг шинэчлэн рэпер Бямбаа дуучин Сүхээ нартай хамтарч дуулсанаар хүргэж байна. www.urlag.mn BABU
Соёл, спорт, аялал жуулчлалын яам болон УИХ-ын нийгмийн бодлогын байнгын хорооныхон салбарынхаа байгууллагуудтай албан ёсоор танилцаж байгаа билээ. Тэрээр энэ сарын эхээр Соёл, спорт, аялал жуулчлалын сайд Ц.Оюунгэрэл, Нийгмийн бодлогын байнгын хорооны дарга З.Баянсэлэнгэ, УИХ-ын гишүүн Л. Эрдэнэчимэг нар урлагийн салбар байгуулагуудаар орж ажил, байдалтай нь танилцсан юм.
Хамгийн түрүүнд тэд Үндэсний болон Байгалийн түүхийн музейд саатсан юм. Музейн удирдлагууд баахан л зовлон тоочиж байлаа. Тулгамдсан асуудлаа гишүүдэд хэлж, бухимдлаа тайлан дотроо бага ч гэсэн онгойлгов уу гэлтэй. Харин дараа нь Драмын театр, Үндэсний дуу, бүжгийн эрдмийн чуулга, Хүүхэлдэйн театраар оров. Бас л өнөөх зовлонгоо тоочлоо. Зовлон тоочоод л байвал нэг өдөр ч багадахаар байв. Даанч нь аливаа ажил цаг нартай юм болохоор хугаслахаас өөр арга байсангүй. Гэхдээ мэргэжлийн байгууллагуудын тоочдог зовлон үнэний ортой юм. “Бид хаа байсан барууны орон биш, Өвөрмонгол, Хятад, Оросоос л жишээ авах хэрэгтэй.
Нийслэлийн “Улаанбаатар” чуулгын шинэ уран бүтээл “Гоолингоо” дуулалт жүжиг тун удахгүй тайзнаа амилах нээ.
Тус жүжгийн зохиолч, найруулагчаар “Монгол туургатан” театрын найруулагч МУСТА С.Баярсайхан, хөгжмийн зохиолчоор МУУГЗ Ш.Аюуш нар ажиллаж байгаа ажээ.
Жүжгийн гол дүрүүдэд: дуучин МУГЖ Ариунбаатар, жүжигчин МУСТА Отгонцэцэг, уртын дуучин МУГЖ Хонгорзул, уртын дуучин Батболд нар тоглож байгаа бөгөөд “Улаанбаатар” чуулгын уран бүтээлчид оролцон тоглож байгаа юм байна.
Жүжгийн зөвлөх найруулагчаар УДЭТ найруулагч Б.Баатар, “Монгол туургатан” театрын дарга Ганхуяг нар ажиллаж байгаа гэнэ.
Дэлхий нийтийг хамарсан “Зуун мянган яруу найрагч өөрчлөлтийн төлөө” /100 Thousand Poets for Change/ нэртэй яруу найргийн томоохон үйл явдал өнөөдөр дэлхий даяар өрнөж байна. Дэлхийн олон улс орныг хамарсан энэ хөдөлгөөнийг АНУ-ын яруу найрагч Мишейл Ротенберг, Терри Карроион нар санаачилсан аж.
“PLAY TIME 2012” амьд хөгжмийн наадамд нийт 52 хамтлаг ая дуугаа өргөжээ. Эдгээр хамтлагуудын аль нь ч төр засгийн шийдвэрээр байгуулагдаагүй бөгөөд нийгмийн өмнө ямар нэг хариуцлага хүлээгээгүй юм. Хамтлагуудын ес нь л монгол нэртэйгээс гадна “үзэл суртал”-д нийцэхээр нь ч ховор. Хос сүх, Бэрд, Нисванис, Аяараас чанга… Чухам юу бодож ийм нэр сонгосныг нь асуугаад ч өдөөтэй “ухаалаг” хариулт лавтай сонсохгүй. Жишээ нь, Нисванисынхан анх сонинд ярилцлага өгөхдөө нэрээ мартчихаад үүсгэн байгуулагч Б.Галсансүхээсээ утсаар асууж явсан түүхтэй улс. PLAY TIME-ийг уралдаан зохиох дуртай гэж өөрийгөө тодорхойлдог МУСГЗ Д.Ухнаагаар шүүлгэвэл тэнцэх юм ганц ч гарахгүй. Харин тэрбээр дээрх залуусын үлгэр дууриал, өв хөрөнгө болсон Соёл-Эрдэнийг Монголын ард түмнийг хүмүүжүүлсэн, цэнэглэсэн гэж бахтай ярьдаг. Universe best songs шоунд оролцогчдын хувцас хунарт санаа тавьдаг эрхэм шүүгч Д.Ухнаа маань 1975 оны аравдугаар сарын 27-д болсон Улсын филармонийн зөвлөлийн хурал дээр Соёл-Эрдэнийн Га.Жаргалсайханаас “Зөвлөлт, Францын хооронд ямар хэлэлцээр болсон бэ, и хаана?” гэж асуугаад унагаж л явсан эр. Одоогийн хамтлагууд улсынхаа ерөнхийлөгчийг танихгүй байсан ч дурны хэрэг. Дөчин жилийн өмнө байгуулагдсан Соёл-Эрдэнэ хамтлагт даваагүй даваа, үзээгүй зовлон үгүй.