Зохиогч: Урлаг

“Victoria’s Secret” фирмийн сахиусан тэнгэрүүдийн нэг Алессандра Амбросио ирэх сарын “Love Magazine” сэтгүүлд зургаа тавиулах аж.

Хүүгээ төрүүлээд гурван сар болж байгаа загвар өмсөгчийг төрөхөөс нь өмнөхөн Их Британийн зурагчин Бу Жорж зургийг нь авчээ. Алессандра Амбросио өөрийн төрсөн Флорианополисе хотынхоо наран шарлагын газарт зургаа авахуулсан гэнэ.

Зургийг гял цял орчинд биш, далайн эрэгт энгийн байдалтай авсан юм. Нүүрээ бараг будаагүй загвар өмсөгч жирийн хувцас өмссөн байна. Алессандра Амбросио одоо хоёр хүүхэдтэй болсон бөгөөд хүүдээ Ноа гэдэг нэр өгсөн гэнэ.

Улсын филармонийн гоцлол дуучин, “Voice” группын гишүүн Д.Отгонжаргал “Ану хатан” түүхэн сэдэвт киноны гол дүрд тоглож байгаа билээ. Киноны зураг авалт дуусах шатандаа орсон аж. Тэгвэл дуучин Д.Отгонжаргал саяхан Ану хатны дүрд хэрхэн тоглосон талаар яриа дэлгэхдээ сонирхол татам зүйл ярьсан нь ёстой л залуусыг байлдан дагуулж байгаа гэнэ.

Хоёр дахь амьдралаа зохиож, нүсэр хурим хийсэн хийлч Ч.Дэлгэрцэцэг нийгмийн сайн сайхны төлөөх үйлсэд хувь нэмрээ оруулахаар шийджээ. Тэрбээр уран бүтээлийнхээ хажуугаар охид эмэгтэйчүүдэд зөвлөгөө өгч, тодорхой хэмжээгээр туслалцаа үзүүлэх “W” нэртэй клуб нээсэн гэнэ. Хийлч бүсгүйн хувьд, өрх толгойлсон эмэгтэйчүүдийн зовлон жаргалыг ойлгож, сэтгэлийн дэм өгөхийг туйлаас хүсч явдаг учраас ийн зориглосон байна.

Америкийн дуучин Тейлор Свифт таван сая ам.доллараар Массачусеттс мужийн Кейп-Кодын далайн эрэгт орших тансаг харш худалдан авчээ. Тэрхүү харш нь тусгай хамгаалалт бүхий хотхонд байрладаг юм байна.

Тейлор Свифт энэ сарын эхээр найз залуу Конор Кеннэдигийн зочлон, амралтаа өнгөрүүлсэн билээ. Харин Конорын гэр бүл уг хотхонд тансаг харштай бөгөөд Тейлорыг зочлохыг урьсан байна. Тэнд байх нь үнэхээр их таалагдаж, амралтаа ч сайхан өнгөрүүлсэн тул харш худалдан авч, найз залуутайгаа хөрш болохоор шийдсэн байна.

Малайзад загвар зохион бүтээгчийн сургуулийг төгсч, Куала Лумпурт дизайнер болон загвар өмсөгчөөр ажилладаг Г.Золцэцэг бол Katya Zol брэндээрээ олонд танигдсан бүсгүй. Тэрбээр хоёр жилийн өмнөөс өөрийн нэрийн брэндийг бий болгохоор шийдсэн аж. Энэхүү ажлаа анхлан ганцаараа эхлүүлсэн бөгөөд интернэтээр судалгаа хийж, материалуудаа сонгон авч, загвараа гарган бүх хувцсаа өөрөө оёдог байжээ.

Английн инээдмийн жүжигчин, хүүхдийн зохиолч Дэвид Уилльяс Францын Сан-Тропейний байгалийн үзэсгэлэн цогцолсон газар найзуудын хамт амарчээ. Түүний амралтын төлөвлөгөөнд тансаг хөлөг онгоц дээрх зугаалга багтсан бөгөөд тэрхүү аялалд нь Сэр Элтон Жон нэгдсэн гэнэ. Тэдний хамт дотны найз нар нь мөн байлцжээ.

Хошин урлагийн “Х-ТҮЦ” хамтлагийнхан энэ намрын анхны инээдмийн тоглолтоо дэлгэхэд бэлэн болжээ. Тус продакшныхан “Амьдрах сайхан” нэртэй тоглолтоо наймдугаар сарын 16-наас эхлэн өдөр бүр 19.00 цагт Соёлын төв өргөөнөө толилуулахаар бэлтгэлээ хангаад буй гэнэ. Өнгөрсөн жилээс эхлэн тэд тоглолт бүрээ “Цэвэр цэмцгэр нийслэлийн төлөө” уриан дор хийх болсон, энэ удаад ч тэр уламжлалаа хадгалжээ.

Төрийн соёрхолт дуучин Д.Болд “Камертон 2” төслийн ажил гээд энэ зуныг цаг зав муутай өнгөрүүлсэн ч тун удахгүй шинэ уран бүтээлээрээ фенүүддээ бэлэг барихаар зэхжээ. Тэрбээр “Зүрх минь хайраар цохилох юм” нэртэй шинэ дууныхаа бичлэгийн ажилд орсон бөгөөд ирэх ес, аравдугаар сард багтаан хоёр ч цомог гаргахаар төлөвлөсөн гэнэ. Үүнд, “Монгол поп” цомгийн үргэлжлэл болгон “Монгол поп 2”, мөн R&B, поп урсгалаар гарах шинэ цомог багтжээ. Мөн тэрбээр шинэ клипийн ажилдаа орсон гэнэ.

Холливудын сахилгагүй оддын нэг жүжигчин Линдсей Лохан дахин орлого ихтэй жүжигчний тоонд орох боллоо.

Тэрбээр хэд хэдэн удаа согтуугаар машин жолоодон, архины албадан эмчилгээнд яван олны хэл амны бай болсоор хэдэн жилийг үджээ. Гэвч тэрбээр шинэ хүн болохоор шийдсэн бололтой. Линдсей хэд хэдэн кинонд дүр бүтээж, “Playboy” сэтгүүлийн нүүрийг чимэн, Лэди Гагагийн кинонд тоглосноор нийтдээ хоёр сая долларын ашигтай ажиллажээ. Тэрбээр “Playboy” сэтгүүлээс нэг сая доллар, “Liz & Dick” киноноос 300 мянга, “The Canyons” киноноос 6480, “Scary Movie” киноноос 200 мянган доллар тус тус авчээ. Линдсей дэлгэцийн уран бүтээлийн хажуугаар Флип Клайны “Jag Jeans” брэндийн сурталчилгаанд тоглон нэлээд хэдэн долларыг халааслаад байгаа гэнэ.

Монголын сонгодог урлагийг дэлхийд таниулж буй хийлч бүсгүй Ч.Дэлгэрцэцэг цэцэг, ургамал, ногоо тарих тун чиг дургүй нэгэн гэнэ.

Тэрээр саяхан нэгэн хэвлэлд өгсөн ярилцлагандаа “Би гэрийнхээ тавилгыг өөрчлөөд гэртээ хүмүүс урих дуртай. Харин элдэв янзын цэцэг, ногоо, ургамал тарих үнэхээр дургүй. Яагаад ч юм манайд цэцэг ургадаггүй. Уг нь цэцэг тарих хүүхэд гаргах эмэгтэй хүний үүрэг юм гэнэ лээ. Гэвч ургахгүй байгаа цэцэг, навчыг яалтай ч билээ.