Найруулагч Руперт Сандерсийн эхнэр загвар өмсөгч Либерти Росс нөхрөөсөө салах өргөдлөө өгсөн аж.
Жүжигчин Кристен Стюарттай сээтэгнэсэн нөхрийгөө уучлахгүйгээр шийдсэн Либерти Росс хуримын бөгжөө зүүхээ больсон гэнэ. Түүнчлэн тэрбээр сэтгэлийн хямралд автаад байгаа жүжигчин Роберт Паттинсонтой уулзана гэж Руперт Сандерст хэлсэн байна. Өөрийг нь доромжилж, хэл амны бай болсон Рупертэд эхнэр нь галзууртлаа уурласан гэнэ.
БНСУ-ын нийслэл Сөүл хотын урлагийн музейд гал гарсан байна. Үүний улмаас дөрвөн хүн нас барж, 19 ажилтан гэмтэж бэртжээ. Хохирогчдын ихэнх нь галын утаанд амьсгал нь боогдож, угаартсан байна.
Уг галыг унтраахаар 170 гал сөнөөгч ажиллаж байгаа бөгөөд өөр хохирогчид байгаа эсэхийг аврагчид хайж байгаа аж.
Уг музей нь гурван давхар ба гал түймэр барилгын суурь хэсэгт бүрэн тархаад байгаа гэнэ. Шинжээчид одоогоор гал гарсан шалтгааныг тогтоохоор ажиллаж байгаа юм байна.
Өнгөрсөн дөрвөн сард Европын орнуудаар аялан тоглолтоо хийчихээд ирснээс хойш амралтын байдалтай байсан “Мотив”‘ хамтлагийн ахлагч Б.Эрдэнэбаяр буюу Жижгээгээс сүүлийн үеийн уран бүтээлийх нь сонин хачнаас сонирхлоо. Тус хамтлагийнхан шинэ цомгоо хэвлэлтэд явуулаад байгаа аж.
Дуучин Ану
“Маск” продакшины жүжигчин Баярмагнай оюутан байхдаа ямар ч бүсгүйг “найрчихдаг” сэргэлэн нэгэн байж. Харин дуучин Оюумаад дурлаж нүүр өгөхгүй болохоор нь зургийг нь хүртэл нандигнан хадгалж, зурагтай нь ярьж суугаад дотуур байрныхаа хэсэг нөхдөд баригдаж хөгөө чирж байсан удаатай гэнэ. Түүнчлэн тэрбээр үргэлж ямар нэгэн зүйл сэдэж явдаг байдаг аж. Тухайлбал, хэдэн жилийн өмнө эфирээр ярилцлага өгч байхдаа “Дөрөвдүгээр сарын 1-нд “UB палас”-т үнэгүй тоглолт хийхээр болсон тул ирж үзээрэй” гэж хэлчихээд худлаа ярьснаа залруулахаа мартчихсан гэдэг. Гэтэл “UB палас”-т тоглолт үзэх гэсэн олон хүн цуглаад бөөн юм болж байжээ.
Юрий Латенко хэмээх 35 настай залуу хэдэн жилийн өмнөөс Алсуг мөрдөн мөшгиж байснаас гурван жилийн өмнө шоронд орсон ажээ. Юрий Латенко дуучин бүсгүйн эцэг болон нөхрийг заналхийлж, Алсу өөрийнх нь эхнэр байх ёстой гэж байсан юм. Залууг сэтгэцийн өвчтэй хэмээн оношилж, албадан эмчилгээнд явуулсан гэнэ. Гэхдээ хэд хоногийн өмнө Юрий эрх чөлөөтэй болсон юм байна.
“Бурхан болсон ээж нь өнгөрөхөөсөө өмнө Алсу тэр хоёрыг гэрлэхийг зөвшөөрсөн. Алсугаас ач хүүхэдтэй болно гэж хэлэхэд ээж нь баярласандаа уйлсан. Одоо намайг Алсутай гэр бүл болоход хэн ч саад хийх ёсгүй” хэмээн Юрий хэлж байгаа юм.
Олон улсын эмэгтэй уран бүтээлчдийн холбооноос дэлхийн эмэгтэй уран бүтээлчдийг туршлага солилцуулах зорилгоор хоёр жил тутамд Дэлхийн эмэгтэй уран бүтээлчдийн үзэсгэлэн зохион байгуулдаг. Энэ жилийн үзэсгэлэн Вьетнам улсын Хо Ши Мин хотод болсон бөгөөд 23 орны 213 уран бүтээлч оролцсон байна. Нэр хүнд бүхий энэ үзэсгэлэнд монголоос Б.Насанцэнгэл, Б.Хонгорзул, Б.Шатарсайхан, Т.Нурмаажав, Ц.Энхтуяа, В.Ундраа, Э.Билэгт, Д.Соёлмаа, Г.Оюун, Д.Булгантуяа нар оролцсон аж.
Хятадын Шэнжэнь хотод зохион байгуулсан дэлхийн бүжгийн спортын тэмцээнд “Викторий” клубийн бүжигчид амжилттай оролцоод иржээ. Манай бүжигчид тэмцээний гурван төрөлд өрсөлдсөнөөс стандарт ангилалд 10 настай Б.Тэнүүн, Р.Учрал нар Гран при хүртсэн байна. Тэмцээнийх нь талаар Р.Учралтай ярилцлаа.
