Монгол Улcын Соёлын тэргүүний ажилтан, хөгжмийн зохиолч Д.Гунаажавт зориулсан хандивын аяныг дуучин Ё.Батмөнх санаачлан өрнүүлж байна.
Тэрбээр энэ талаараа “Хөгжмийн зохиолч Дамбын Гунаажав хэмээх эгэлхэн хэрнээ авьяаслаг уран бүтээлч маань өдгөө хүнд хэцүү байдалд байгааг түмэн олон та бүхэн минь мэдэж байгаа байх ээ. Миний бие “Цэнхэр хангайн нутаг” хэмээх ардын дуу шиг болсон дуу уран бүтээлийг нь дуулж байгаа хүний хувьд эрхэм уран бүтээлч ахдаа туслах энэхүү аяныг зарлаад явж байгаа билээ. Урлагт хайртай дуунд хайртай та бүхнээсээ эрхэм уран бүтээлч ахад минь орох оронтой болоход, эрүүл мэндэд нь нэмэр болж хандивын гараа сунгахыг уриалж байна. Бид ахмад настнуудаа хүндэлж энэрч байж өөрсдөө сайхан бүхнийг эхлүүлж чадна. Хандивын тоглолтонд нэгдсэн уран бүтээлчид, найзууд, ах эгч нартаа талархаж байна. Олон сайхан уран бүтээлтэй, дуулагдах дуу хууртай, бүтээсэн бүтээлтэй энэ эрхэм хүмүүн, хөгжмийн зохиолч СТА Д Гунаажав ахыгаа хашаа байшинтай болгоод өгчих юмсан гэж бодож явна. Дэмнээд дэмжээд өгөөрэй та бүхэн минь. Сайн үйлс дэлгэрэх болтугай” гэжээ.
