Шотландын зохиолч Роберт Луисын “The Bottle Imp” зохиолоос сэдэвлэсэн “Үхлийн симфони” адал явдалт аймшгийн кино энэ сарын 31 буюу cнээлтээ хийхээр товоо зарлаад байгаа билээ. Энэхүү дэлгэцийн бүтээлийг “Шинэ үе” продакшны жүжигчин Р.Алтансүх буюу Аси, “Оюунлаг” продакшны залуу уран бүтээлчидтэй хамтран бүтээжээ.
Тус киноны уран бүтээлчдийн зүгээс үзэгчдэд нэгэн гэнэтийн бэлгийг барьж байгаа нь нээлтийн өмнө болох Халловены баярын арга хэмжээ юм. Халловены баяр 12.00 цагаас эхлэх бөгөөд хүссэн хүн бүхэн сүнсний баярын хувцсаар гоён оролцох боломжтой. Энэ үеэр шилдэг айлгалт цочоолтын бичлэгүүдийг шалгаруулахаас гадна олон олон сюрпризээр үзэгч түмэндээ бэлэг барих гэнэ.
Баярын арга хэмжээний дараа буюу 15.00 цагаас Үхлийн симфони киноны нээлт болно. Тус киноны уран бүтээлчид Тэнгис кино театртай хамтран нээлтийн үеэр олсон бүх орлогоо өвчиндөө шаналж буй н.Мөнхзаяа охины эмчилгээний зардалд нэмэрлэх юм байна.
Энэ жил дөнгөж хоёрхон настай н.Мөнхзаяа охин тархины эвэрхийтэй гэсэн оноштой. Тэрээр ээжтэйгээ Хөвсгөл аймгийн Хатгал сумаас ирсэн бөгөөд охин өсөж том болохын хэрээр нүүрэн дээрх ургацаг нь томорч, үзэгдэх орчин хязгаарлагдахаас гадна хамарт нь даралт өгснөөр амьсгалахад ч хүндрэлтэй байгаа юм. Охиныг монголд эмчлэх боломжгүй бөгөөд Солонгос улс руу хагалгаанд явуулахад 200 гаруй сая төгрөг шаардлагатай байгаа аж.
Мөнхзаяа Охины хандивын данс Хаан банк: 5906010221 Б.Ганцэцэг холбоо барих утас 98630626 сайн үйлс бүхэн дэлгэрэх болтугай.
www.URLAG.mn