Монголын ирээдүй болсон хүүхэд багачууддаа үндэснийхээ соёл урлагийн гайхамшгийг мэдрүүлж, тэдний авъяас билгийг нээн, хөгжүүлэх чөлөөт цагийг зөв боловсон өнгөрөөх, Цуутын цагаагч гүү ардын уламжлалт үлгэрээр дамжуулан хүүхдийн хүмүүжүүлэх, монгол хүүхдийн үндэсний бахархалын дуу төрүүлэх зорилгыг агуулан “ЭРХ ЦАГААН УНАГА” дууг хэн сайн дуулах вэ? Улсын уралдааны ҮДБЭЧуулга, NTV телевиз, Төрийн банк, Тесо компаниуд хамтран зохион байгуулах гэж байна. Шалгаруулалт 11 сарын 14,15,17-нд ҮДБЭЧуулгын алтан тайзнаа 3-н үе шаттайгаар явагдах бөгөөд Шилдэг оролцогчдын гала тоглолт 12 сарын 23-нд болно.
Цаашид ганц дуугаар хязгаарлахгүй Монгол ардын язгуур урлагийн шинжийг агуулсан монгол хүүхдийн дууг зохиосон хөгжмийн зохиолч болон зохиолчдийн зохиосон шинэ дуугаар оролцох боломжтойгоор өргөн хүрээнд “ЭРХ ЦАГААН УНАГА” ХҮҮХДИЙН ДУУНЫ ИХ НААДАМ нэрээр жил бүр зохион байгуулна.
Жил бүр хүүхдүүдийн дунд зохион байгуулах энэхүү наадамд хүүхдийг урлагийг дэмжигч олон байгууллагуудтай хамтарч ажиллах бөгөөд энэ нь гадаадын дууг сурталчилахаас илүү хүүхэд багачууддаа монгол дуугаа эхлээд сурч, үндэсний бахархалыг төрүүлэх Монгол хүүхдийн шинэ дууг төрүүлэх зорилготой аж. Энэ удаагийн уралдааны шүүгчээр Ардын Жүжигчин Д.Самбуу, МУГЖ С.Эрдэнэцэцэг, МУСТА Д.Ганболд нар шүүгчээр ажиллах юм. Бүртгэл 11 сарын 1-10 хооронд ҮДБЭЧуулгын тайзан дээр явагдах бөгөөд шагналын сан нь Төрийн банкны 2.000.000 хүртэлх хүүхдийн хадгаламж, Тесо компанийн бүтээгдэхүүний эрхүүд, ҮДБЭЧуулгын тусгай шагналууд хүлээж байна.
www.URLAG.mn
