16 дахь удаагийн “Улаанбаатар” олон улсын кино наадам өчигдөр /2024.10.16/ эхэллээ. Энэ сарын 22-ныг дуустал үргэлжлэх ал наадмыг Нийслэлийн Засаг даргын Тамгын газар, Нийслэлийн Соёл, урлагийн газар, Монголын Урлагийн зөвлөл, Монголын Үндэсний Кино урлагийн зөвлөл хамтран зохион байгуулж буй.
Тус наадмын “Хангарди” шагнал гардуулах ёслол өчигдөр болж, 13 номинацад шилдгүүдийг шалгарууллаа.
Шилдэг нүүр хувиргагч – Г.ХОС-ЭРДЭНЭ “Үхлийн тойрог” МУСК
Шилдэг дууны найруулагч – VANILLA SKY STUDIO “Үхлийн тойрог” МУСК
Шилдэг эвлүүлэгч – Н.БАТБОЛД “Үхлийн тойрог” МУСК
Шилдэг хөгжмийн найруулга – И ГИ ЖҮН “Өмнөдийг зорих замд” МУСК
Шилдэг зохиолч – Ц.МӨНХНЯМ “Зорчигч” МУСК
Шилдэг зураач – Ц.ХҮРЭЛБААТАР “Пагмадулам” МУСК
Шилдэг зураглаач – Б.ОТГОНЗОРИГ “Пагмадулам” МУСК
Шилдэг туслах эмэгтэй дүр – О.ЦЭНГЭЛ “Зорчигч” МУСК
Шилдэг туслах эрэгтэй дүр – ЖОН ЖУНГ Ү “Өмнөдийг зорих замд” МУСК
Шилдэг эмэгтэй гол дүр – У.УРАНЧИМЭГ “Хувь заяа” МУСК
Шилдэг эрэгтэй гол дүр -С.АРИУНБЯМБА “Үхлийн тойрог” МУСК
Шилдэг найруулагч – С.БАТТУЛГА “Өмнөдийг зорих замд” МУСК
Шилдэг кино – “ӨМНӨДИЙГ ЗОРИХ ЗАМД” МУСК
“Улаанбаатар” олон улсын кино наадмын хүрээнд Герман, Франц, Австрали, АНУ, Итали, Непаль, Хятад, Энэтхэг, Швед, Палестин, Норвеги, Ирланд зэрэг улсуудын 2023-2024 онд бүтээгдсэн 14 шилдэг олон улсын уран сайхны болон баримтат киног үзэгчдэд толилуулахаар хөтөлбөрөө бэлтгэжээ. Эдгээр уран бүтээлийг “Тэнгис”, “Өргөө-3” болон “Синема нэкст” кинотеатруудаар үзэгчдийн хүртээл болгоно.
