Монголын зохиолчдын эвлэлээс жил бүр зохион байгуулдаг “Болор цом” яруу найргийн наадмыг энэ жил арваннэгдүгээр сарын 26-нд Соёлын төв өргөөнд зохион байгуулахаар болжээ. 42 дахь жилдээ болох уг наадамд оролцох яруу найрагчдын бүтээлийг арваннэгдүгээр сарын 20-ныг хүртэл хүлээж авах аж. Бүтээлээ илгээх найрагч 2024 онд бичиж туурвисан, чөлөөт сэдэвтэй хоёр шүлгээ тухайн өдрийн 20.00 цагаас өмнө [email protected] цахим хаягаар илгээх эсвэл Монголын зохиолчдын эвлэлийн 207 тоотод ирүүлэх боломжтой. Тухайн шүлгүүд нь урьд өмнө ном, хэвлэл, цахим орчинд нийтлэгдээгүй байх шаардлагатай бөгөөд эхний шатны дүнг арваннэгдүгээр сарын 22-ны өдөр танилцуулах ажээ.
“Болор цом” яруу найргийн наадам арваннэгдүгээр сарын 26-нд болно
