“Шаалуу хүү Маугли” хэмээх шинэхэн уран бүтээл тун удахгүй үзэгчдийн хүртээл болох гэж байна. Тодруулбал, “Сити” их сургуулийн Урлагийн сургуулийн Жүжиглэх урлагийн тэнхимийн дөрөвдүгээр дамжааны оюутнууд “Шаалуу хүү Маугли” пластик жүжгийг ирэх арванхоёрдугаар сарын 10-нд РЦНК буюу Оросын шинжлэх ухаан, соёлын төвийн тайзнаа толилуулна. Жүжгийн продюсероор Б.Билгүүн, ерөнхий найруулагчаар Б.Анхбаатар, туслах найруулагчаар А.Билгүүн ажиллажээ.
