“Guys” хамтлаг шинэ уран бүтээл болох “Эр хүн” дууныхаа видео клипийг хийхээр сонсогчдынхоо дунд шинэ санааны уралдаан зарлажээ. Уралдаанд оролцох хүсэлтэй хүмүүс эр хүний мөн чанарыг нотолж харуулсан үг, үйлдлийн талаарх өөрийн мэдэх, бусдаас сонссон эсвэл амьдралдаа тохиолдсон, сэтгэлдээ хадгалагдаж явдаг бодит үйл явдал, үзсэн харсан жишээг бичиж “Guys” хамтлагийн албан ёсны фэйсбүүк хуудсанд илгээх боломжтой. Оролцогчдын шинэ санааг ирэх гуравдугаар сарын 13-ныг хүртэл хүлээн авч, ялагчийг тодруулах юм байна. Уралдааны нэгдүгээр байрт шалгарвал 10 сая төгрөг, хоёрдугаар болон гуравдугаар байрт “Guys” хамтлагийн тусгай бэлгээр урамшуулах аж. Түүнчлэн уралдааны эхний 50 оролцогчид ирэх зургадугаар сард хийх тоглолтынхоо урилгыг бэлэглэх аж.
Ташрамд дурдахад, “Guys” хамтлаг ирэх зургадугаар сард “Goodluck” нэртэй бүрэн хэмжээний тоглолтоо хийхээр төлөвлөөд буй юм.
