“Морин хуураа дээдлэн дэлгэрүүлэх тухай” Ерөхнхийлөгчийн зарлигийг хэрэгжүүлэх ажлын хүрээнд 2008 онд Дэлхийн морин хуурын холбоо байгуулж, олон төрлийн арга хэмжээ зохион байгуулсны нэг нь Олон улсын морин хуурын наадам билээ. Улаанбаатар хотод хоёр жил тутамд болдог уг наадмын хүрээнд Олон улсын морин хуурчдын уралдаан, симпозиум зохион байгуулдаг. Эдгээр арга хэмжээг сөөлжин явуулдаг бөгөөд 2008, 2012 онд наадам-симпозиум, 2010 онд уралдаан болсон. Өнгөрсөн хугацаанд наадамд ОХУ, БНХАУ, Япон, АНУ, БНСУ, ХБНГУ, Францын 600 гаруй судлаач, урлаач, хуурч оролцсон тооцоо байна.
Монгол түмний соёлын өв морин хуурыг түгээн дэлгэрүүлэх, хуурдах уламжлалт арга барилыг хадгалах зорилготой наадам энэ удаа хоёр шаттайгаар ирэх дөрөвд үгээр сарын 27-29-нд Улсын филармонид болох юм. Оролцогчдын тоо, насанд хязгаар тавихгүй бөгөөд морин хуур сонирхогчдоос эхлээд мэргэжлийн хөгжимчид ч оролцох боломжтой. Бүртгэл эхэлсэн бөгөөд дөрөвдүгээр сарын 20 хүртэл үргэлжилнэ. Оролцохыг хүсэгчид “Эгшиглэн” хөгжмийн зэмсгийн дэлгүүрийн байранд очиж бүртгүүлэхээс гадна [email protected] хаягаар холбоо барьж болох аж.
Дэлхийн морин хуурын холбооноос санаачлан, ССАЖЯ дэмжин зохион байгуулах уралдааны журмын дагуу хуурчид монгол ардын бэсрэг уртын дуу “Шанжуу дээл”, “Тунгалаг тамир”-ыг бүтэн түрлэгээр, баруун монгол ардын татлага “Балчин хээр” болон “Жонон хар”-ыг урлагийн гавьяат зүтгэлтэн М.Довчин агсан, соёлын тэрг үүний ажилтан н.Нэргүйн хуурдсанаар тоглох юм. Уралдааны шүүгчээр мэргэжлийн хөгжимчин, багш, удирдаач, судаач нар ажиллах бөгөөд тухайн үед нь зарлах юм байна.
www.URLAG.mn