“Columbia Pictures” болон “Metro Goldwyn Mayer” кино компанийн хамтын бүтээл “22 Jump Street” цуврал киноны шинэ анги ирэх ирэх сарын 13-нд нээлтээ хийх гэж байна.
Инээдмийн action төрлийн энэхүү бүтээлийн зохиолыг нь Майкл Бакалл бичсэн бол Фил Лорд болон Крис Миллер нар найруулжээ. Энэхүү инээдмийн бүтээлийг 1987 онд гарч бйасан Стэвен Ж. Каннел болон Патрик Хашбурх нарын телевизийн цувралаас сэдэвлэн бүтээсэн юм. Киноны өмнөх анги нь “21 Jump Street” нэртэйгээр 2012 онд гарч байсан билээ. “22 Jump Street” киноны гол дүрүүдэд Холливуудын халуухан залуучуудын нэг Чаннинг Татум болон Жона Хилл нарын тоглосон байна.
Ахлах сургуулийн хар тамхины хэргийг гарамгай сайн илрүүлж чадсан хоёр цагдаа маань энэ удаад их сургуулийн хар тамхины сүлжээг илрүүлэх ажилд томилогдоно. Харамсалтай нь тэднийг ахлах сургуулийн амьдралаас тэс өөр ертөнц хүлээж байх юм болно. Хөгжилтэй цагдаа нарын хэрхэн цагийг зугаатай өнгөрүүлэхийг киноны шинэ ангиас хүлээн авч үзэх боломжтой юм. Та бүхэндээ “22 Jump Street” цуврал киноны шинэ трэйлэрийг хүргэж байна.
Эх сурвалж: eagle.mn
