Төрийн Соёрхолт “Баянмонгол” биг бэнд энэ зуны хэмнэлийг мэдрэх цэвэр жазз концертоо толилуулах гэж байна.
Тоглолтыг урилгаар Итали улсын удирдаач, хөгжмийн зохиолч, саксофонч Андреас Маринелло удирдан явуулах ба Монголын болон дэлхийн жазз бүтээлүүдээс гадна түүний зохиож найруулсан зохиолын дээжсээс хөтөлбөрөө бүрдүүлжээ.
Тоглолт Улсын филармонид зургаадугаар сарын 8-нд 18.00 цагаас болно.
Уламжлалт болон орчин үеийн жазз хөгжмийг, өвөрмөц найруулга, дэлхийн түвшний удирдаачаар толилуулах эл тоглолтын тасалбарыг ticket.mn болон Улсын Филармонийн кассаас худалдан авах боломжтой.
