Аялагч Б.Мөнхцэлмэг “YouTube”-ийн “Silver Play Button”-ний эзэн болжээ.
Олон орнуудаар аялж, өөрийн аяллын бичлэгүүддээ тухайн ард түмний амьдралыг харуулдаг Б.Мөнхцэлмэг нь “YouTube” сувагтаа 144 мянган дагагчтай юм.
Энэхүү “Silver Play Button”-ийг үзэгч нь 100 мянган хэрэглэгчийн тоо давсан сувгуудад олгодог бөгөөд тус компанийн захирал Susan Wojcicki-гийн гарын үсэг болон захидалтай хамт ирдэг байна.
Энэ талаар тэрбээр өөрийн цахим хуудастаа “YouTube-ийн Silver Button шагналаа хүлээн авч юүтүүбийн “тэргүүний ажилтан” боллоо. Одоогоос дөрвөн сарын өмнө анхны хаягаа устгуулчхаад инээх уйлахын хооронд байхад үзэгч олон та бүхэн минь, Монголын аж ахуйн нэгжүүд минь “Урам нь хугарвал бурмаар тэтгэ” гэдэг шиг улам хүчтэй дэмжиж аяны дөрөөнд минь ахин мордуулж өгч билээ. Бүгдээрээ энэ эрчээрээ эх дэлхийгээ тойрно. Монголчууд хамтдаа аль ч улсын амьдрал дунд нь орно” гэж бичжээ.
