Нийслэлийн Засаг даргын Тамгын газар, нийслэлийн Соёл, урлагийн газар, “Extreme crew studio” хамтран гудамжны бүжгийн хамгийн том наадам болох “UB Dance” фестивалийг 06 дугаар сарын 14-нд амжилттай зохион байгуулж, шилдгүүдийг шалгаруулан, шагналыг нийслэлийн Соёл урлагийн газрын Соёлын үйлдвэрлэл, урлагийн хэлтсийн дарга Ч.Батчимэг гардууллаа.
Ес дэх удаагаа болсон наадмаар breaking 1vs1, hip hop 1vs1, breaking kids 1vs1, popping 1vs1, locking 1vs1, open style 2vs2, crew performance, electro зэрэг төрлөөр авьяаслаг бүжигчдийг өрсөлдүүлэв.
Мөн түүнчлэн өнөө жилийн “UB Dance” фестивальд дэлхийн 40 гаруй орны чөлөөт бүжигчид цуглан өрсөлдсөний зэрэгцээ хамтын үзүүлбэр үзүүлсэн юм. Энэхүү фестиваль нь олон улсын бүжигчдийн хамтын оролцоог дэмжин, төрөл бүрийн бүжгийн хэв маягийг түгээх зорилготой.
