АНУ-ын загвар, соёл урлагийн хэвлэл “Complex”-оос “XXI зууны хамгийн стиль сайтай 25 од” буюу “The 25 Best Dressed Celebrities of the 21st Century” чансаа гаргалаа. БНСУ-ын дуучин G-Dragon Ази тивээс ганцаараа энэхүү жагсаалтад багтсан байна. Тэрбээр 16 дугаар байрт орсон бөгөөд “ганган” оддын жагсаалтыг Канье Уэст тэргүүлжээ.
Жагсаалтыг бүрэн эхээр нь ЭНД-ээс харах боломжтой.
“Complex” сэтгүүл дээр “Өнөөдөр том загварын агентлаг болгон өөрийн төлөөлөгч болох к-поп одтой болжээ. Гэхдээ загварын ертөнцтэй холбоотой хүн бүхэн G-Dragon стандартыг тогтоодог гэдгийг мэднэ. Замналаа эхлээд хориод жил болж байгаа ч тэрбээр солонгос попын стилийг өөрчилж, хил хязгаарыг давсан хэвээр байна. G-Dragon 2016 онд “Chanel” брэндийн Азийн анхны элч төлөөлөгч болж байлаа” гэж бичжээ.
Одоо G-Dragon “Übermensch” дэлхий тойрох аялан тоглолтынхоо хүрээнд Сөүлд тоглолт хийхээр бэлтгэж байна. Түүний аялан тоглолт дэлхийн 16 хотод болох юм.
