Залуу уран бүтээлч Э.Энхзаяагийн бие даасан үзэсгэлэн 2014 оны 5-р сарын 1-12-ны хооронд Монголын Урлагийн Зөвлөлийн “УЛААН ГЭР” арт галерейд 10 хоногийн турш дэлгэж та бүхний оюуны мэлмийд өргөн барьж байна. Уран бүтээлч 2010 онд Дүрслэх урлагийн дээд сургуулийн уран зургийн ангийг Г.Лхагвасүрэн багшийн урланд суралцаж зураач мэргэжлээр төгссөн. “Хөх нар” монголын контемпорари урлагийн төвийн гишүүн бөгөөд уран зураг, видео, орон зайн урлагаар бүтээлээ туурвидаг.
Тэрээр энэхүү үзэсгэлэнгээрээ хүний дотоод ертөнц, хүн байгал хоёрын хүйн холбоо, тэднийг нэгтгэгч хүчний тухай өгүүлэхийг зорьжээ. Харин тэр хүч хөдөлгөөнгүй тогтмол биш ба үргэлж мөнхөд хөдөлж байдаг. Ямар нэгэн биетийн харагдан буй гаднах үзэгдлээс илүү тэдгээрийн доторх амьлаг шинжийг нэгэн цөмөөс эхтэй урсгал гэж төсөөлвөл бүх зүйлийн угт нэгэн хөдөлгөөн буй. Уран бүтээлч маань энэхүү хөдөлгөөнийг “Урсгал” хэмээн нэрийджээ.
Уг үзэсгэлэнд уран бүтээлч Э.Энхзаяагийн видео ажлууд болон инстоляц зэрэг ажлууд тавигдах болно.
Үзэсгэлэнгийн нээлт: 2014 оны 5-р сарын 01-ны 18:00 цагт Улаан гэр арт галерейд болно та бүхнийг хүрэлцэн ирэхийг урьж байна.
Дэлгэрэнгүй мэдээллийг 99131833 утаснаас лавлана уу?
