К-попын томоохон төлөөлөл G-Dragon болон “Stray Kids” хамтлаг Францын тэргүүн хатагтай Брижит Макроны харьяа эмнэлгийн сангаас зохион байгуулж буй буяны тоглолтод оролцох болжээ. Эх сурвалжуудын мэдээлснээр, G-Dragon болон “Stray Kids” нар 2026 оны нэгдүгээр сарын 22-нд Парисын “La Defense Arena”-д болох “Le Gala des Pieces Jaunes” (Шар зоосны гала) тоглолтод оролцох уран бүтээлчдийн тоонд багтсан байна.
Францын “Fondation des Hôpitaux” сангаас зохион байгуулж буй энэхүү тоглолтын бүрэлдэхүүнд дэлхийн поп од Кристина Агилера болон A$AP Rocky нар мөн оролцох юм. Өмнөд Солонгосыг төлөөлөн оролцох эдгээр уран бүтээлчид уг арга хэмжээнд өмнө нь оролцож байсан туршлагатай. “Stray Kids” 2024 онд оролцсон бол G-Dragon 2025 онд “Bigbang” хамтлагийн гишүүн Тэян, мөн “Blackpink”-ийн Рөүз, BTS-ийн J-Hope нартай хамт тайзнаа гарч байжээ.
“Fondation des Hôpitaux” сан нь 1989 оноос хойш эмнэлэгт хэвтэн эмчлүүлж буй хүүхэд, өсвөр үеийнхэнд дэмжлэг үзүүлэх зорилгоор “Шар зоос” хандивын аяныг бараг жил бүр зохион байгуулж ирсэн. 2023 оноос эхлэн дэлхийн өнцөг булан бүрийн уран бүтээлчид оролцсон тоглолтуудыг зохион байгуулж, тасалбарын орлогоор хандив цуглуулж байна.
