“Гэртээ ганцаараа” киноны од Дэниел Стерн Калифорни мужид өнгөрсөн сард биеэ үнэлэгч хайж байсан гэх хэрэгт холбогдсон ба уг хэрэг нь батлагдвал зургаан сар хүртэлх хорих ял эсвэл 1,000 ам.долларын торгууль ногдуулах боломжтой аж.
Мэдээллээр бол тэрбээр Калифорни дахь нэгэн зочид буудалд энэхүү үйлдлийг хийсэн аж. Жүжигчинд 2025 оны арванхоёрдугаар сарын 10-нд торгуулийн бичиг өгч, түүнийг баривчлаагүй ч Калифорни мужид энэ төрлийн зөрчил нь хөнгөн гэмт хэрэгт тооцогддог бөгөөд буруутай нь тогтоогдвол зургаан сар хүртэл хорих ял эсвэл 1,000 ам.долларын торгууль ногдуулах боломжтой аж.
Жүжигчний төлөөлөгчид уг мэдэгдэлтэй холбоотойгоор одоогоор ямар нэг тайлбар хийгээгүй байна.
