Зуны дэлгэр цаг ирж жуулчдын хөл дарагддаг нийслэл Улаанбаатар хотынхоо гоо сайхныг дүрслэх урлагийн бүтээлүүдээр өнгө нэмж урлагт хайртай та бүхний оюуны мэлмийд хүргэх зорилгоор Blue Moon арт галерейгаас санаачлан "БИДНИЙ УЛААНБААТАР" сэдэвт үзэсгэлэнг нийт уран бүтээлчдийн дунд зохион байгуулах гэж байгаа билээ.
Мөн үзэсгэлэнгийн нээлт болгон “Blue moon арт” галерейн салбар болох “Art Boutique”-т “Таны таталбар зураг 3” нээлттэй өдөрлөг болох гэж буй. “Таны таталбар зураг 3” нээлттэй өдөр нь уран бүтээлчдийг дэмжих, уран бүтээлчид болон урлагт хайртай хүмүүсийг холбож урлагийн тухай яриа өрнүүлсэн ээлжит урлагийн өдрийг таталбар зургийн өдөрлөг болгон зохион байгуулахаар болжээ.
Таталбар зураг богино хугацаанд зурагддаг учраас хурд, мэдрэмж, чадвар шаарддаг төрөл юм. Таталбар зургаар дадлага хийх, аливаа зүйлсийг нь ажиглах нь зураач хүний ажлын гол үндэс болохын зэрэгцээ сэдвийг жижиг эскиз, таталбар зургуудаас олж авдгаараа онцлогтой аж.
Өдөрлөгийн гол онцлог нь уран бүтээлчид цаас харандаатайгаа уран зураг сонирхогчидтой уулзаж санал бодлоо чөлөөтэй илэрхийлж өөрсдийн таталбар зургуудаа зуруулах боломжийг олгодог аж. “Таны таталбар 3” өдөрлөг Peace tower-ын дөрөвдүгээр давхарт байрлах Art boutique салбарт зургадугаар сарын 18-нд 12-18.00 цагийн хооронд болох гэнэ.
Дашрамд сонирхуулахад таталбар зургаа зуруулахад үнэ төлбөргүй юм байна.
www.URLAG.mn
