УДЭТ-ын уран бүтээлчид Төрийн соёрхолт, Ардын уран зохиолч Б.Лхагвасүрэнгийн мэндэлсний 80 жилийн ойд зориулан “Үгүйлэгдсэн хайр” уянгын драмын жүжгийг өнгөрсөн 2025 оны арваннэгдүгээр сард үзэгчдэд хүргэсэн. Ингэхдээ шинэ найруулга, шинэ бүрэлдэхүүнтэйгээр дахин сэргээж толилуулсан юм.
Тэгвэл эл уран бүтээлийг Эр цэргийн баярт зориулан 2026 оны гуравдугаар сарын 10-наас дахин өөр бүрэлдэхүүнтэйгээр тоглож байна.
Энэ удаагийн бүрэлдэхүүнд Хөдөлмөрийн баатар, Монгол Улсын Ардын жүжигчин П.Цэрэндагва “Үгүйлэгдсэн хайр” жүжгийн Жамсран хурандаагийн дүрээр үзэгчидтэйгээ “уулзаж” буй юм.
“Үгүйлэгдсэн хайр” жүжгийг анх 1988 онд найруулагч Э.Санчигдан тайзнаа амилуулж байсан бол 2015 онд Ардын жүжигчин, найруулагч Ч.Найдандорж найруулан олны хүртээл болгожээ. Харин энэ удаа Төрийн соёрхолт, Урлагийн гавьяат зүтгэлтэн Н.Наранбаатар найруулсан.
Хэн бүхний зүрхэнд үгүйлэгдсэн нэг хайр бий…
