Магад одоо би омогтон гэгэгдээд явж байгаа ч
Мартагдашгүй худал хуурмагийг хараад төвдөөгүйнх
Магад одоо чи цаасан титэмээ толгойдоо углавч
Маргашгүй үнэн гэвэл хэврэг агаад хоосон төдий…
Итгэл алдах шиг муухай зүйл сэтгэлд үгүй
Ирээдүй цагийг хэн урьдчилан хэлэх билээ
Наашаа харж инээн цаашаа харан муулахдаа
Найзаа гэдэг үгээр харамгүй халхалсан наад нүүрээ…
Угаагаад ч арилахгүй хар толботой санаандаа
Угтаа чи өөрөө бүдэрч заяагаа чи өөрөө зурна
Сэтгэлдэх хирээ арилгахгүйгээр сайн явахгүй ээ
Савангаар зөвхөн өнгөн хэсгээ өөднө татаад яахуудээ…
Хараад дальдчих хоёр нүдэнд чинь хорсол нуугдаж
Хар санаанд чинь хэдэн жил унасан хэдий ч
Хүн чанар зулгаадаг сэтгэлтэй хүний үр юм болохоор
Худлыг чинь тэвчиж үнэнд хөтлөх гээд чадал хүрсэнгүй…
Нүгэл болгонд үйлийн үр нуугдаж байдаг юм
Нүдээ анин биеэ нуусан ч бултаж чадахгүй
Буян хурааж явбал уул нь өөрт чинь л сайнсан
Буцахдаа ядаж там диваажин хоёрын голд унана…
Өөрийгөө хайрлаж мэдэхгүй болохоор л хайр нүүр бууруулж
Өрөөлийн төлөө сайныг хүсч үзээгүй болохоор л саар дагалдалж
Бусдыг хүндэлж мэдэхгүй болохоор чинь холоос харьцаж
Булингартай сэтгэлийг чинь засах гэсэндээ халитхан ойртсон…
Давчуухан бодол явцуухан санаагаар голоо зогоосонч
Дандаа ингэж аз таарахгүйг санаж чамлахаар бас чангахан атга
Атгалтанд чинь элсний ширхэг хуруун завсраар урсах нь
Аяндаа хоосон зүйл байсан гэдгийг амьдрал чамд ухааруулна…
Тэр үед нулимсаа арчин санаа алдаж өөрийгөө буруутгавч
Танил минь гээд зөрөөд өнгөрөх намайг дуудавч би ойшоохгүй
Хийсэн зүйлийнхээ хэврэгхэн санаанд өөрөө унан уйлавч
Хэлсэн үгэндээ эзэн байж чададгүй чамд би дахин туслахгүй…
Зальжин хийгээд овжин зантай хүмүүст эмгэнэл илэрхийлэе
Замбараагүй явдалтай захиргаагүй хүмүүст эмгэнэл илэрхийлэе
Олон багтай инээдэг дайснууддаа эмгэнэл илэрхийлэе
www.URLAG.mn
