Ховд аймаг нь түүх, соёлын арвин өв санг хадгалсан нутаг юм. Тус аймгийн музейд өдгөө 3100 гаруй үнэт үзмэр, түүхэн дурсгал хадгалж байгаагийн нэг нь XIX зууны үед хамаарах мөнгөн тоногтой бүрээ юм.
Бүрээг тойруулан мөнгөн луу дүрсэлж нарийн чимэглэсэн байна. Түүнчлэн гууль хэсгийг хоёр бүслүүрээр хүрээлж, лууны урт сахлыг мөнгөн нарийн хээгээр дүрслэн урласан нь онцгой содон хийц болжээ.
Мөн модон суурийг будгаар өнгөлөн, зэсийг давтаж боловсруулан мөнгө, гуулиар тоноглон чимэглэсэн байна.
Энэхүү бүрээ нь тухайн үеийн гар урлалын өвөрмөц шийдэл, ур хийцийг хадгалсан үнэт өвд тооцогддог.
Хэмжээний хувьд 42.7 см өндөр, 6.9 см өргөн бөгөөд 170 грамм жинтэй ажээ.
