Алдарт жүжигчин Брэд Питт дахин гэрлэх бодолгүй байгаа тухай түүний ойрын эх сурвалж “Daily Mail” мэдээлжээ.
Өдгөө 62 настай жүжигчин Брэд Питт одоогийн найз бзсгүй Инес де Рамонтой үүсгэсэн харилцаандаа үнэхээр сэтгэл хангалуун байгаа аж. Түүнийг одоогийн хамтрагчийнхаа дэмжлэгийг өндөр үнэлдэг ч дахин гэрлэх, эсвэл хүүхэдтэй болох алхам хийх магадлал бага гэж эх сурвалж тайлбарлажээ.
Олон нийтийн сүлжээний хэрэглэгчид Брэд Питтийн энэхүү байр суурийг Анжелина Жолитой хийсэн өмнөх гэрлэлт, түүнээс хойш үргэлжилсэн шуугиант салалттай холбон тайлбарлаж байна. Олон жил үргэлжилсэн шүүхийн маргаан, олон нийтийн өмнө өрнөсөн зөрчил нь түүний гэрлэлтийн талаарх үзэл бодлыг өөрчлөхөд нөлөөлсөн байж магадгүй аж.
