Өнөөдөр залуу жүжигчин Ч.Түвшинтөгсийн төрсөн өдөр.
Ч.Түвшинтөгс СУИС-ийг 2021 онд дүүргэжээ. Гуравдугаар дамжааны оюутан ахуйдаа найзуудтайгаа хамтран “Zev film”-ийг үүсгэн байгуулсан байна. Тухайн жилдээ “Гэгээн учрал” хэмээх залууст зориулсан бүрэн хэмжээний уран сайхны киног, 2021 онд “Снежинка” гэх хоёр дахь уран бүтээлээ үзэгчдэд хүргэж, 2022 онд “Үүрдийн хайр” уран сайхны киног толилуулсан аж.
Түүнчлэн түүнийг найруулагч Б.Амарсайханы “Орлон тоглогч” олон ангит киноны Хосоо, “Боловсрол суваг” телевизийн “Надад ирээгүй хайр” олон ангит киноны Алдарын дүрээр нь үзэгчид андахгүй. Мөн найруулагч Т.Алтантуяагийн “No drug” цувралаар үзэгчидтэй “уулзсан”.
Харин хамгийн сүүлд буюу 2026 оны тавдугаар сард Ч.Түвшинтөгс адал явдалт “МАД” уран сайхны кинонд продюсероор ажилласны зэрэгцээ гол дүр бүтээснээ олны хүртээл болгосон юм.
