Жүжигчин Кваг Дун Ён заавал хаах цэргийн албаа биелүүлэхээр фэнүүдээсээ түр хугацаанд холдох гэж байна. “MyDaily”-гийн долдугаар сарын 21-ний мэдээлснээр, өдгөө 29 настай тэрбээр наймдугаар сарын 25-нд алба хаагчаар цэрэгт татагдах аж.
Цэргийн албаны тов гарсантай холбоотойгоор Кваг Дун Ён “tvN”-ийн “The Village Barber 2” нэвтрүүлэгт оролцох боломжгүй болсон байна.
Гэхдээ тэрбээр “Love in the Moonlight” бүтээлийн 10 жилийн ойн тусгай контентод оролцоно. Уг тусгай дугаарыг наймдугаар сарын эхээр зураг авч, түүнийг цэрэгт явсны дараа цацахаар төлөвлөжээ.
Түүний тоглосон “Netflix”-ийн “The East Palace” долдугаар сарын 17-нд нээлтээ хийсэн бөгөөд энэ нь цэргийн албанд мордохоосоо өмнө үзэгчдэд хүргэж буй түүний сүүлийн драм болж байна.
