Монголын үзэгчдийн сайн мэдэх Италийн алдартай кино жүжигчин Орнелла Мути, ууган охин, дуучин Найке Ривеллигийн хамт ОХУ-ын паспорт авахаар холбогдох бичиг баримтаа бэлтгэж эхэлжээ. Тэд иргэншлээ сольсныхоо дараа Москва эсвэл Санкт-Петербург хотод орон сууц худалдан авахаар төлөвлөөд байгаа аж. Жүжигчин бүсгүйн эмээ, өвөө нь Санкт-Петербург хотод төрж, хожим Эстони руу шилжин суурьшиж байсан түүхтэй юм байна.
Охин Найке Ривеллигийн хэвлэлд өгсөн мэдээллээр тэдний гэр бүл Орос болон казак гаралтай бөгөөд Орост ирэх бүртээ гэртээ байгаа мэт таатай мэдрэмж авдаг гэнэ. Түүнчлэн италичууд ерөнхийдөө Орос оронд маш таатай ханддаг болохыг тэрбээр онцолсон байна.
