ССАЖЯ-наас Монголын Үндэсний Спортын V Их Наадмыг энэ сарын 12-14 өдрүүдэд Улаанбаатар хотноо зохион байгуулах гэж байна. Наадам үндэсний бөхийн барилдаан, үндэсний сур харваа, Буриад сурын харваа, Урианхай сурын харваа, Уламжлалт харваа, Морин уургач, бугуйлч, эмнэг сургалт, ширээний шагай, шагайн харваа гэсэн төрлүүдээр зохиогдох ажээ.
Үндэсний спорт наадам нь тухайн улс орны төр ахуйн соёл, урлаг зан үйлийн асар их өвийг олон мянган жилээр хадгалан үеэс үед өвлөн зааж хадгалуулан ирсэн гайхамшигтай. Ийм ч учраас “Монгол наадам” хэмээх цогцолбор соёлыг “Дэлхийн соёлын биет бус зүйлийн өв сан”-д бүртгүүлсэн бөгөөд анх дэлхийн хэмжээнд 6000 гаруй бөх барилдаж, 10000 гаруй морьтон жягсаал хийж, 3000 гаруй морь уралдаж “Геннисийн ном”-нд бичигдсэн. Энэ бүхэн манай спортын холбоодын эрчимтэй үйл ажиллагаа болон үндэснийхээ спортод сэтгэлээ зориулж ирсэн хувь хүмүүсийн хичээл зүтгэл юм. Үндэснийхээ спортоор хичээллэн, тэдгээрийг түгээн дэлгэрүүлэн залуу хойч үедээ өвлүүлэн хадгалж ирсэн бөхчүүд, харваачид, уяачдын ач гавьяа их билээ.
www.URLAG.mn