2014 оны 08 дугаар сарын 28-наас 31-ны хооронд БНХАУ–ын аялал жуучлалын гол бүс болох Гуан Ши мужийн Гүй Лин хотноо Олон улсын аялал жуучлалын үзэсгэлэн зохион байгуулагдаж манай орноос Соёл, спорт, аялал жуулчлалын яамны Аялал жуучлалын бодлогын хэрэгжилтийг зохицуулах газрын дарга болон тур оператороос Актив Адвенчер Турс Монгол ХХК, New Milestone тур оператор, ДМД ХХК, Монголын нууц товчоо жуулчны бааз зэрэг компаний төлөөлөгчид амжилттай оролцоод ирлээ.
Энэхүү үзэсгэлэн яармаг нь 5 дахь удаагаа зохион байгуулагдаж байгаа бөгөөд 60 гаруй орны 800 гаруй байгууллагын төлөөлөгчид оролцож 30000 гаруй хүн үзэж сонирхлоо. Монгол улсын хувьд энэхүү үзэсгэлэнд анх удаа оролцсон билээ.
Гуан Ши мужийн Гүй Лин хот нь Хятадын аялал жуучлалын тэргүүлэх бүс бөгөөд байгалийн үзэсгэлэнт, өвөрмөц байдал, үлгэрийн орон мэт тогтоцтой уул ус, гайхамшигт том агуй, гол нуураараа алдартай бөгөөд ЮНЕСКО–гийн Соёлын өвд бүртгэгдсэн байдаг ажээ.
Уг арга хэмжээний үеэр Монголын тал Хятад, Европ, Өмнөд Азийн аялал жуулчлалын компаниудтай бизнесийн уулзалтуудыг амжилттай зохион байгуулж хоёр орны жуулчдын хоорондын солилцсоноос гадна Европ, ОХУ-ын жуулчдыг Монгол Хятад орнуудаар дамжуулан аялуулах шинэ хөтөлбөрийн талаар санал солилцов.
Мөн уг үзэсгэлэн яармагийн үеэр нийт 6 номинацид шилдэгийг тодруулсан бол Монгол улсын үзэсгэлэнгийн талбай “Шилдэг талбайн тохижилт”-той оролцогч болон “Best Organized Booth Award” шагналыг хүртсэн юм.
www.URLAG.mn
