Хоёр хөршийн тэргүүнийг Монголд айлчлахад Ерөнхийлөгч Ц.Элбэгдорж Ховд аймгийн Манхан сумын нутаг дахь Түрэгийн үед хамаарах булшнаас олдсон ятга хөгжмийг хуулбарлан хийсэн зэмсэг бэлэглэжээ.
Уг хөгжмийн зэмсгийг “Эгшиглэн магнай” ХХК-ийн захирал Байгалжав урлаж, нэг зэмсгийг 1.5 сая төгрөгөөр үнэлсэн байна. Ховд аймгийн Манхан сумаас 2008 онд Түрэгийн үеийн “Алтайн ятга” хэмээх ятга хөгжим олдож, Ерөнхийлөгч Ц.Элбэгдорж түүнийг гадны зочид, төлөөлөгчдөд өгөх төрийн бэлэг болгоё гэж шийджээ.
Анхны олдсон ятгыг сэргээж, улсын төв музейд өгчээ. Уг хөгжимнөөс уянгалаг аялгуу гардаг. Магтаал, тууль хайлахад зохицсон нүүдэлчдийн уугуул хөгжим гэнэ.Уг хөгжмийн зэмсгийг модны ураар хийдэг аж.
www.URLAG.mn
