Украины Ерөнхийлөгч Володимир Зеленский “Маша ба Баавгай” хүүхэлдэйн цувралын зохиогчид болон түгээгчдэд хориг арга хэмжээ авах тухай зарлигт гарын үсэг зуржээ.
Хоригт уг бүтээлийг хийх, түгээхэд оролцсон ОХУ-ын таван иргэн болон дөрвөн байгууллага хамрагдсан байна.
Украины Ерөнхийлөгчийн Тамгын газрын мэдэгдэлд тус хүүхэлдэйн кино нь “хүүхдийн контентын нэрээр Оросын талыг дэмжсэн агуулга түгээж, Украины үндэсний аюулгүй байдалд заналхийлж байна” гэж дурджээ.
Шинэ шийдвэрийн дагуу “Маша ба Баавгай” цувралыг Украины нутаг дэвсгэрт түгээхийг хориглох боломж бүрдэх юм.
