Монголын орчин үеийн уран зохиолыг үндэслэгч, их зохиолч Д.Нацагдоржийн мэндэлсний 120 жилийн ой, УДЭТ-ын түүхт 95 жилийн ойд зориулан Оросын нэрт зохиолч, драматург Михаил Рощины зохиол “Валентин, Валентина хоёр” жүжгээс сэдэвлэсэн саунд драм тун удахгүй үзэгчдийн хүртээл болно.
УДЭТ-ын 96 дахь үзвэрийн жилийн нээлтийг хийх “Валентин” саунд драмд хайр, дурлал, хүний сэтгэлийн нандин мэдрэмжийн тухай өгүүлэх бөгөөд УДЭТ-ын залуу найруулагч Э.Билгүүн шинэ өнгө төрхтэйгөөр үзэгчдэд хүргэхээр ажиллаж байна.
Найруулагч Э.Билгүүн нь ОХУ-ын Москвагийн ГИТИС (одоогийн Оросын театрын урлагийн академи)-ийг төгсөгч бөгөөд УДЭТ-т өнгөрсөн оноос уран бүтээлээ туурвиж буй юм. Тэрбээр мөн Оросын нэрт зохиолч Михаил Булгаковын “Мастер, Маргарита хоёр” зохиолыг саунд драм төрлөөр тайзнаа амилуулахаар төлөвлөөд буй.
