Монголын сонгодог урлагийн уурхай болсон МУАЖ, ТШ, С. Гончигсумлаагийн нэрэмжит ХБК-ийн дуурийн дуулаачийн ангийг төгсөн уран бүтээлээ эхэлсэн Попера Консонанс хамтлаг Дэлхийн алдарт цээл хоолойт дуучин Энрико карузо-ийн дурсгалд зориулсан алдарт “Карузо” хэмээх дуугаар эхэлжээ.
Консонанс хамтлаг нь Popera Nuans, Voice,Монгол попера Uvertura хамтлагийн араас хүч түрэн гарч ирж байна. Тэдний анхны “Caruso” дуунь уран бүтээлийнх нь цаашдын чиг хандлагыг тодорхойлно. Консонанс хамтлагийн уран бүтээлчид нь ХБК-ийн дуулах ур зүйн багш МУГЖ А. Бүтэд, МУГЖ Ч. Туул багш нарын удирдлаган дор 2014 онд амжилттай төгсжээ.
Уг хамтлагийг анх ХБК-ийн багш Урлаг судлалын ухааны доктор Б. Сүхээ Консонанс гэсэн нэрэн дор 2013.11.25 үүсгэн байгуулжээ. Дэлхийн сонгодог урлагийн сор болсон бүтээлийг эх хэлдээр нь дуулж Монгол улсынхаа нэрийг Дэлхийн дэвжээнд таниулахад уг хамтлагийн зорилго оршино. Энэхүү бүтээлийн хөгжмийн найруулгыг Чингис хаан хамтлагийн төгөлдөр хуурч, хөгжмийн найруулагч Ц.Байдраг болон Herub энтертаймэнттэй хамтран бүтээсэн. Consonans хамтлагийн залуучууд анхны цомогоо 2015 гаргахаар төлөвлөж байна.
www.URLAG.mn