Лондонгийн “West End”-ийн тайзнаа арван жилийн турш хоёр хэсэгтэйгээр тоглогдсон “Harry Potter and the Cursed Child” жүжгийг цаашид нэг хэсэг болгон шинэчлэн тоглохоор болсон гэж продюсер Соня Фридман мэдэгджээ.
“Harry Potter and the Cursed Child” жүжиг анх 2016 онд Лондонгийн “Palace Theatre”-т нээлтээ хийсэн бөгөөд үзэгчид бүтэн түүхийг үзэхийн тулд хоёр тусдаа тоглолтын тасалбар авах шаардлагатай байв. Харин арван жилийн дараа уг хэлбэрийг өөрчилж, бүтээлийг нэг удаагийн тоглолтоор бүрэн үзэх боломжтой шинэ хувилбарт шилжүүлж байна.
Жүжгийн зохиолч Жек Торн, найруулагч Жон Тиффани нар хоёр хэсэгтэй эх хувилбарыг нэг хэсэг болгохдоо түүхийн гол агуулга, сэтгэл хөдлөлийн нөлөөг хадгалахад анхаарчээ.
“Harry Potter and the Cursed Child” нь Ж.К.Роулингийн “Харри Поттер” цувралын үйл явдлаас олон жилийн дараах үеийг өгүүлдэг. Насанд хүрсэн Харри Поттер болон түүний хүү Альбус Северус Поттер нарын харилцааг голлон харуулдаг уг жүжиг 2016 онд нээлтээ хийснээсээ хойш дэлхийн олон оронд тавигдаж, театрын томоохон шагналуудыг хүртсэн юм.
