Нүүдэлчдийн төдийгүй дэлхийн хөгжмийн урлагийн үнэт өв болох Алтай ятгыг 2008 онд Ховд аймгийн Манхан сумын Жаргалант хайрхны агуйн оршуулгаас илрүүлсэн юм.
Энэхүү 1300 гаруй жилийн түүхтэй чавхдаст хөгжмийг “Бөртэ” хамтлагийн ахлагч Д.Ганпүрэв сэргээн засварласан билээ. Тэрбээр энэ сарын 1-нд Элиста хотын Улсын филармонийн ордонд Алтай ятгын аялгууг дуурьсгасан байна. Тоглолтын талаар “Калмыкия сегодня” сонинд “Монгол Улсаас ирсэн ятгачин Дагвын Ганпүрэвийн тоглолтыг танхим дүүрэн үзэгч үзлээ. Энэрхүү тоглолтод Халимагийн найрал хөгжмийн оркестр болон үндэсний дуу бүжгийн чуулгын уран бүтээлчид оролцжээ. Дэлхийд хосгүй Алтай ятгын ойрд аялгууг сонссон үзэгчдийн сэтгэл хөдөлж, ая бүрийг дахиулсан юм. Уг ятгыг сэргээн засварласан таван хувилбар байдаг ба нэгийг нь Халимагийн үндэсний музейд заллаа” гэж бичжээ.
Х.ЭРДЭНЭЗАЯА