Уран бүтээлч Энхболдын Орхон “On The Way Back Home” бие даасан үзэсгэлэнгээ “Улаан гэр” галерейд нээлээ.
Уг үзэсгэлэнгээр дамжуулан уран бүтээлч гадаад болон дотоод ертөнцийн харилцан хамаарал, дарагдсан мэдрэмж, өөрийгөө сонсох тухай өөрийн эрэл хайгуулыг хуваалцаж байна.
Өдөр тутмын чимээ шуугианаас түрхэн зуур холдож, өөрийн дотоод ертөнцөө чагнан, намуухан дуу хоолойгоо сонсох боломжийг энэхүү үзэсгэлэн үзэгчдэд олгож байна.
“On The Way Back Home” үзэсгэлэнг аравдугаар сарын 5-ныг дуустал олон нийтэд нээлттэй, үнэ төлбөргүй толилуулна.
